Luku 9:16 - Ata New Testament

¹⁶ Mukalu la Iesua muno'u pileti ta'uve xe sinana soxu tamei ne ka mutala telo no loxotolo mo muvikalasou laixe noxou Mosinge. Muvikalasou laixe mukalu la muse'ise'inu mo mulosi'a tatisai­peliou so ivelunuxa'a tamitema latala ne.

Luku 9:16 ပူးပေါင်းရင်းမြစ်များ

Matiu 14:19

Ioxe, Iesua muvikalane'i tami­tema lexe ita'ota'olu no lia no laxalasi ne. Mukalu la muno'u pileti ta'uve ilou sinana soxu tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ne mo mulosi'a tatisaipeliou so ivelunuxa'a tami­tema latala.

Matiu 15:36

La anu muno'u pileti 7 xe tasinana moso ne mo muvikala laixe noxou Mosinge. Mukalu la anu muse'ise'inu mo mulosi'a tatisaipeliou so ivelunuxa'a tami­tema.

Maki 7:34

La anu mutala telo no loxotolo xe muemuaxu la muvikala no anu vaikalai'a Taiuta lexe “Evata!” Anu laxu lexe, “Nakisi!”

Luku 22:19

Xe anu muno'u pileti ka muvikalasou laixe noxou Mosinge. Mukalu la muse'inu mo mulosi'a tatisaipeliou. La muvi­kala lexe, “Ano'o eni vasimelo. Eni a'italonu so ngaxalisou mauli no anu. Laso nga'oxonu aloxo 'o so xavutalemengi uno'ilo.”

Luku 24:30

Mixolu mo ane'i a so i'ani la anu oli'a mixolu mipita so i'ani no latevolo. Xe anu muno'u pileti ka muvikalasou laixe noxou Mosinge. Mukalu la anu muse'inu mo muvelunuxa'a.

Luku 9:15

Xe tatisaipeli mimulinu vaikalaou laso tamitema mitalutalupexa no lialia.

Luku 9:17

La mi'ani'ani xo mole mikalusou masaxa noxi'a avile. Xe mipitanu matomatovinu la umo­momo no anu lakela 12.

Tioni 6:11

Xe ane'i mitalupexa mukalu la Iesua muno'u pileti ilou sinana soxu ne mo muvikala laixe noxou Mosinge. Mukalu la anu muvelunuxa'a tamitema mita'olu ne mukalusi. Muvelunu muvelunu la ane'i mi'ani xo mole mikalusou masaxa na'a avile.

Tioni 6:23

Mixolu xo la pouti se'i molu ne Taiveliasi mune'e muxali noxi'a no anu apu e Tatananenge muvikala laixesou pileti kaiou mi'ani'ani no anu.

Ta'aposeli 27:35

Muvikala axone mukalu la muno'u pileti mo muvikala laixe noxou Mosinge no laxune'i. Mukalu la muse'inu ka mu'ou.

Lomu 14:6

Xo itema ane usosovosou voxo lexe mutiatila, la anu tanuou Tatananenge so usosovosou axone. Xe itema ane ulavusou u'ani no anu mimi mukalusi, la anu tanuou Tatananenge no anu kalumo. Xo anu uvikalasou laixe noxou Mosinge kaio u'ou. Xe vile ne u'ou misoposi uasi, anu kalumo tanuou Tatananenge no anu. Xo ani'ani ma'ia u'ou ne anu uvikalasou laixe noxou Mosinge kalumo.

1 Kolini 10:30

Loxo eni avikala laixe noxou Mosinge kaio a'ani laso axova so itema olele uto'omelo no anu mi e opoleli u'osasou noxou Mosinge ne.”

1 Kolini 11:24

Muno'u mukalu la anu muvi­kala laixe noxou Mosinge. Xe muse'inu, la muvikala lexe, “Ano'o vasimelo. Anu so uxalisou mamulo singe. Ngingi nga'oxo ilixo aloxo 'o so xavutalamengi uno'ilo.”