Luku 8:41 - Ata New Testament

⁴¹ La tatila vile no anu tasou lavuloto ne ualasou lexe Tiailusi mune'e mulalusi no tava'u Iesua. Mulalusi no tava'u la mukatu noxou lexe une'e no tasou.

Luku 8:41 ပူးပေါင်းရင်းမြစ်များ

Luku 13:14

Ia itema so usaxila'u tasou lavuloto ne la'iaxu so Iesua mupai­poune sema ne no anu Voxo so Ma'ila. La muvikalane'i tamitema latala lexe, “Anu voxo 6 so taxaxai no anu. Laso loxo ngamasaxau su'uli no anu siki noxinge la ngane'e no anu voxovoxo anenesi. Mamu so upaipoungengi no anu Voxo so Ma'ila.”

Luku 17:16

Anu mulivu xe muxali la mulalusi no tava'u Iesua so muvikala laixe noxou. Itema ne anu so Samalia.

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

Luku 8:42

Mukatu axone xo olu sema sevilesisi ane so isoli. Ane tau iexe 12 sesi. Ioxe, Iesua mulutu so ulai no tasou ia tamitema latala ne miveli noxousi.

Luku 8:49

Iesua a uvikalanesio la se'i so laili noxou tatila no anu tasou lavuloto a mixali. La mivikalanu itema ne lexe, “Iline ne misoli mukalu. Laso tava'u so na'au'ausou Tisamengela uasi. Vote'i so usu'ulinela uasi.”

Tioni 11:21

Milai xe mixalisou la mivikalanu lexe, “O Tatanaleli, loxo nini nexolu lai 'osi la vivilo usoli uasi.

Ta'aposeli 13:15

Ane'i tatiatila no anu tasou lavuloto ne mi'itisou pa'usou no anu lo e Mosisi mukau­kavunu tatei xe vaikalai'a tapolo­peti. Mukalu la mitali'isi'a ilou lexe, “Tavivixe, loxo ngilou pelo­toto vile so ngapilixinu noxi'a tamotu 'o, la ngalemolusi.”

Ta'aposeli 18:17

Mukusai'a no anu lakoti laso mitetelisou itema tila no anu tasou lavuloto ualasou lexe Sosotenisi. Mitetelisou laso mi'o­tu'otunu. Mi'otu'otunu xe Xaliou mumaisi'a ia muvikala mi vile no anu anene uasi.

Ta'aposeli 18:8

Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.

Ta'aposeli 9:38

Anu tualasie Iopa ne anu muxolu alai no tuala Lita. Xe talopala milomu lexe Pita a uxolu ne Lita laso ane'i mipalusi'a tamitema tamei so ivikalanu lexe, “Nini napalea nane'e, navovoxo uasi.”

Mupala'a 5:8

Mulai muno'u mukalu la tamimi tami'a oli'a tatiatila 24 ne mixolasou tava'a mo mitangatulu no tava'u. La ane'i vilevilesi mitetelisou mi loxo kita 'o xe lisi koli ane mi umuxu tuma'u lailaixe u'ela no anu. Anene usosovosou vaikalai'a tamitemaou Mosinge u'isalili ilemolu noxou.