Luku 7:6 - Ata New Testament

⁶ Ioxe, Iesua mulomuxu vaikalai'a mo oli'a milai. Milai xo la mixali alai no tani ia tila no anu ami mupalusi'a tamenexu se'i so i'alaxu. Mi'alaxu se noale la mivulunu vaikalaou menexi'a lexe, “Ai Tilao, navila'isine so nane'e avile uasi. Eni amitema alaixe so na'una no tasilo uasi.

Luku 7:6 ပူးပေါင်းရင်းမြစ်များ

Matiu 20:28

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Maki 5:24

Iesua mulomusou linga noxou laso ilou milai. Milai la tamitema latala ne mimulinu Iesua la mivelisi mo mikapikapinu.

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

Luku 7:4

Ioxe, ane'i milutu xo xe mixali noxou Iesua la milinga mo mitama noxou lexe, “Itema tila ne anu ilixo noxou laixe umomo so nasu'ulinu.

Luku 7:5

Xo anu usexelanenge Taiuta manina. Mo anu mutulusou tasou lavuloto noxixe 'o.”

Luku 7:7

Mo tava'u so eni melo ane'e noxine uasi a xo eni amitema alaixe to uasi. Loxo vote'i, la naxolu ane mo navikalasi, mo voixeli 'o laixenusi.

Luku 8:49

Iesua a uvikalanesio la se'i so laili noxou tatila no anu tasou lavuloto a mixali. La mivikalanu itema ne lexe, “Iline ne misoli mukalu. Laso tava'u so na'au'ausou Tisamengela uasi. Vote'i so usu'ulinela uasi.”

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Tiemisi 4:10

Ngalu'engengi no iou Tatana­nenge laso anu molu u'itingengi.

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”