Luku 7:47 - Ata New Testament

⁴⁷ Laso avikalaneni aloxo 'o. Sema ano'o susu noxie mulolutu, ia tina'uxe muiasi mukalu. Laso maixene isexelaxo tatila 'o. Ia itema ane tina'uxu so uiasi malaxo uasi, la usexelaxo malaxo to uasi.”

Luku 7:47 ပူးပေါင်းရင်းမြစ်များ

Matiu 10:37

Loxo sexela noxou itema so si'a momu olie nenu uua'ulixu anene uxamulinu silo la umomomo so umulileli uasi. Xe loxo osa noxou so si'a ta'olu tamulu xe tasema uua'ulixu anene uxamulinu silo la anu laixe umomomo so uvaitami noxilo uasi ane.

Luku 7:39

Mi'oxo axone xe Palisi e mu'avalou Iesua mune'e ne mumaisie la muxavutala no oponu lexe, “Uo, loxo anu polopeti manina la anu ulavusie sema e ikasou 'o lexe ane sema so sususi ane.”

Luku 7:46

Mo kalumo la nalutunu ueli so kisilo uasi, ia ane sema ano'o milutunu ueli e tuma'u lailaixe no tava'ilo 'o.

Luku 7:48

La muvikalane sema lexe, “Tina'u so susu noxine muiasi mukalu.”

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Lomu 5:20

Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.

2 Kolini 5:14

Sexela noxou Kalaisiti upalupalusixe xo oponexi ututulu aloxo 'o. Itema vile muno'u tani­nenge mukalusi no anu soli la no anu vote'i anene soli muxalisinge mukalusi.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Epesusi 6:24

Ngingi ne ngasexelaxu Tatana­nenge Iesua Kalaisiti mo sexala noxinge umomomo so tasiaxu vitanisi uasi. Laso maixene ngaxa­mulinu iaiama noxou Mosingesi. Anu anesi.

Pilipai 1:9

La utotomu alinga noxou Mosinge lexe u'oxonu sexela noxinge u'oki mo ulolutisi. Ia sexelasi uasi, upita no anu lavulavu laixe ilou tilovo lamanasi.

1 Timoti 1:14

Tatananenge ukolinu ilixo noxilo ne uasi mo iaiama noxou noxilo mulolutu e mulolutu. Xo Kalaisiti Iesua ne anusisi tava'u lopala mo sexela la anu mu'avu­tinoxu no opoleli.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

1 Tioni 3:18

O ta'alixeli moso 'o, mamu so talemolu sexela no ananenge vitanisi, ta'oxonu sexela manina no anu ilixomenge.

1 Tioni 4:19

Nenge tasexela xo Mosinge musexelanenge tei.

1 Tioni 5:3

Xo vote'i so tasexelaxu Mosinge maninasou a so talomuxu voto noxou. Ia voto noxou ne anu uvenge tu'umaxu loxo tatavulenu uasi.