Luku 7:34 - Ata New Testament

³⁴ Mo vaimomo 'o Itema ane molu noxou Mosinge a muxali mo u'ani mo uie. Sila ngingi ngevi­kalasou lexe, 'Ngamaisou anu itema so vune mo ulavusou usipaki. Xe anu vaitami'a tami­tema so itaxusou taxisi oli'a tamitema so susu to!'

Luku 7:34 ပူးပေါင်းရင်းမြစ်များ

Matiu 11:19

Mo vaimomo 'o Itema ane molu noxou Mosinge a muxali mo u'ani mo uie. Sila ngingi ngevikalasou lexe, 'Ngamaisou anu itema so vune mo ulavusou usipaki. Xe anu vaitami'a tamitema so itaxusou taxisi oli'a tamitema so susu to!' Ngingi ngalavusou ngavikala axone ia tamitema ane ilomuxu vaikalasou lavulavu u'asi'asi noxou Mosinge la xaixai noxi'a umaxa'u lexe vaikala ne manina ane.”

Matiu 5:46

Xo loxo ngasexe­laxa'a tamitema ane isexelangengesi la ngaxalisou lakolisou axovao? Ai, ane'i tamitema so itaxusou taxisi ilavusou i'oxo axone to kalumo.

Matiu 9:11

Xe Tapalisi mimaisi'a la mitali'isi'a tatisaipeliou lexe, “Axova so tisamengi upita so u'ani noxi'a tamitema so itaxusou taxisi xe tamitema so ili'ilixo masua iouiou to ne?”

Luku 11:37

Iesua muvikala xo xe mukalu la Palisi vile mualiou so lexe ilou i'ani no tasou. Laso anu mu'unalai la mutalupexa so u'ani no latevolo.

Luku 14:1

Ioxe, mune'e no anu Voxo so Ma'ila vilela la Iesua mulai mu'ani no anu tasou tila vile noxi'a Tapalisi. Xe ane'i tamitema mixolu miutitiou laixe.

Luku 15:2

La Tapalisi oli'a tamitema so lavulavu no anu lavuloto opone'i tu'umaxu mo mimunumunuxu lexe, “Itema ano'o uvaitami noxi'a tamitema so ili'ilixo masumasua mo oli'a ipita i'ani'ani to!”

Luku 19:7

Ia ane'i latala mimaisou axone la opone'i tu'umaxu mo minuminuxu lexe, “Ai anu a ulai so uxolu no tasou itema ane so ilixo masumasua to ne!”

Luku 5:29

Xe ili'i la Livai mu'oxonu la'ilali tatila no tasou so umaxa'u osa'ilasou Iesua. La tamitema so itaxusou taxisi tavu'alo xe tamitema levianila a oli'a italupexa so i'ani no latevolo.

Luku 7:33

Xo Tioni e itema so kelele u'ou pileti mo uie uaini uasi. Sila ngingi ngevikala lexe, 'Iu, ulenu masua uxolu noxou to ne!'

Luku 7:35

Ngingi ngalavusou ngavikala axone ia tamitema ane ilomuxu lavulavu u'asi'asi noxou Mosinge la imaxa'u lexe manina ane.”

Luku 7:36

Xe ili'i la Palisi vile mu'avalou Iesua so ilou i'ani. La anu mulai no tasou Palisi ne mo a oli'a italupexa i'ani no latevolo.

Tioni 12:2

Iesua muxali mukalu la ane'i mi'oxonu ani'ani so imaxa'u osa noxi'a noxou. Ane Malita a ivevelu io Lasalusu anu vile noxi'a ane'i ane oli'a Iesua mitalupexa so i'ani no latevolo.

Tioni 2:2

La tamitema miali'a Iesua oli'a tatisaipeliou so milai no anu lavilelu so taula'i ne kalumo.