Luku 7:22 - Ata New Testament

²² La Iesua mukoline'i tatisaipeliou Tioni aloxo 'o, “Ngilou ngalivu la ngaa'alou Tioni no anu mimi e ngemaisou mo ngelomusou 'o. Xo tamitema ane ie'i mutomu la imaleila. Xe ane'i ane tava'a musoisoli la imuamua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Luku 7:22 ပူးပေါင်းရင်းမြစ်များ

Matiu 11:5

Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 21:14

Mukalu la Iesua a nonano no tasou Mosinge la ane'i tamitema ie'i mutomu xe tava'a mumasua mine'ene'e noxou so mupaipoune'i.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 7:21

No voxo loxo mine'e mitali'i noxou la anu a upaipoune'i tamitema tavu'alo ane mitavulenu siki mo navunavu iouiou no vasime'a. Mo a mukusai'a ta'angelo tamasua noxi'a tamitema se'i xe ane'i tavu'alo loxo ie'i mutomu la mupaipounu so mimaleila.

Luku 7:23

La anu laixe noxou itema aneva ulopalaleli mo usasalo uasi.”

Tioni 1:46

Ia Natanieli muvi­kalanu lexe, “Xo axova, umomomo so mi vile laixe uxali no tuala Nasaleti?” La Pilipi mukolinu lexe, “A nane'e namalei tosi.”

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 8:7

Anu mu'oxonu sosovo so xavi so mukusai'a ta'angelo tamasua noxi'a tamitema se'i. Mukusai'a la mi'ava tatila ka mixexesou vasime'a tamitema ne. Xe tamitema ane xine'i musoisoli o tava'a mukilikalu ne laixene'isi.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?