Luku 7:19 - Ata New Testament

¹⁹ Laso Tioni mu'avali'a tamei noxi'a mo mupalusi'a ilai noxou Tatananenge so utalai'isou aloxo 'o, “Nini itema Mosinge muvavalimasou e texoxomaiou o tautitiou evilela masi a uaosio?”

Luku 7:19 ပူးပေါင်းရင်းမြစ်များ

Maki 6:7

Xe mune'e la anu mu'avali'a tatisaipeliou 12 mipita noxou. La anu muvikalane'i aloxo 'o, “Ngingi tametamei ngalai ngaxixao no tuatuala. Ngalai, la ngalai no anu xavi noxilo so ngakusai'a ta'angelo tamasua ane ikasi'a tamitema.

Luku 10:1

Ioxe, ili'i la Tatananenge musoso­vosi'a tamitema 72 mo mupalusi'a tamei tamei so milailai. Mupalusi'a so i'uli noxou mo ilailai no taotaoni xe tuatuala ane anu so ulai no anu u'isalili.

Luku 11:1

Xe mune'e la Iesua muxolu muvikala noxou Mosinge no apu vile. Muvikala mukalu la tisaipe­liou vile mutali'isou lexe, “Tatana­nexi, nini napela'ixe no anu vote'i so tavikala noxou Mosinge aloxo Tioni mupela'a tatisaipeliou.”

Luku 11:39

Ia Tatananenge muvikalanu lexe, “Loxo noxinge Tapalisi la nga'uinu kapu xe lapelete noxinge laixe. Ia nonano noxinge la mua­na'ana no anu isu'isu mo ili'ilixo masumasua to!

Luku 12:42

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Luku 13:15

Ia Tatananenge mukolinu lexe, “Uo ngingi tamitema so kalavoi manina xo vaikalamengi la ngamulinu to uasi! Loxova, no anu Voxo so Ma'ila la ngingi ngalulusi'a takau oli'a tatonikimengi no anu tatasi'a mo ngalaixi'a so iie lexa uasi? Ngingi nga'oxo taxone!

Luku 17:5

Ioxe, ili'i la ta'aposeli mivikalanu Tatananenge lexe, “Na'oxonu lopala noxixe utiatila.”

Luku 17:6

La Tatananenge mukoline'i aloxo 'o, “Loxo lopala manina uxolu noxinge ia isusu'a se a loxo masiteti ngiaxu la mi vile uasi. Axone la umomomo so ngavika­lanu ovu 'o lexe uluvu mo ulai utulu no luaki, la anu ulomusi ane.”

Luku 18:6

La Tatananenge muvikalane'ila lexe, “Tiasi ne ilixo noxou ulapu uasi, ia ngalomusou vaikalaou.

Luku 19:8

Ane'i Sakiusiena mixoxolu no tasou xo xe mu'avuti muvikalanu Tatananenge lexe, “Tilao nalomu. Masi eni akalipalanu mimixeli mukalusi uxali pa'usou tamei mo so apilixinu vile noxi'a ta'oloxola. Xe loxo e'oxo loloxa'a tamitema ta'ei so exalisou mi vile noxi'a la akolinu no anu tamitami'a.”

Luku 22:61

Xe Tatananenge muxiu so iou mulaiou Pita. La Pita muxavutalanu vaikalaou Tatana­nenge mulemolu lexe, “Masi no olovoxo loxo kokoa u'ava uao la nini navikala alaxu tatalu lexe nalavusilo uasi.”

Luku 24:34

La ane'i mivikalane'i ilou lexe, “Ai anu manina lexe Tatananenge mutulu mumauli ne. Xo anu mupa noxou Saimoni.”

Luku 7:13

Tatananenge mumaisie sema ne la tanuxe misevile la muvikalane lexe, “Natama uasi.”

Luku 7:20

Ioxe, milutu xo xe mixali noxou Iesua la mivikalanu lexe, “Tioni e itema so kelele mupalusixe tene'e noxine so tatali'i noxine aloxo 'o. Nini itema Mosinge muvavali­masou e texoxomaiou o tautitiou evilela masi a uaosio?”

Tioni 11:2

Lasalusu ane mupipiena ne, vimou Malia ane sema e minixi'u ueli tuma'u laixe no tava'u Tatananenge mo milu­tunu no kisie laxusou.

Tioni 4:1

Ioxe, Tapalisi milomusou a'alo lexe Iesua mu'oxonu ilixo so kelele noxi'a tamitema tavu'alo ka tamitema anene mixali tatisai­peliou. La navasi'a muua'ulixu navasi'a tatisaipeliou Tioni.

Tioni 4:25

Mukalu la sema ne mivikala noxou lexe, “Eni elavu lexe Mesaia e ilemolu lexe Kalaisiti a une'e. Laso loxo anu ne une'e la upela'ingexu mimi mukalusi.”

Tioni 6:23

Mixolu xo la pouti se'i molu ne Taiveliasi mune'e muxali noxi'a no anu apu e Tatananenge muvikala laixesou pileti kaiou mi'ani'ani no anu.

Mupala'a 11:3

Xe eni apalusi'a tamite­maxeli tamei so ilanu vaika­laxeli. La ilou isakinu lavalava so tama mo ixolu aso 1260 ne so ilanu vaikala so pela'asi.