Luku 7:16 - Ata New Testament

¹⁶ Tamitema mimaisou mi ne la mama'u mukasi'asi mo misoko'u so i'itinu Mosinge ualasou. La mivikala lexe, “Ai, polopeti vile tila manina a muxali no tainenge 'oe!” Mo mivikala lexe, “Mosinge a mune'e noxi'a tamitemaou 'o.”

Luku 7:16 ပူးပေါင်းရင်းမြစ်များ

Matiu 15:31

La tamitema latala ne mikuluke kena xo mimaisi'a ane'i ane anaxa'a mutomu a mivivikala xe ane'i ane xine'i musoisoli laixene'i xe ane'i ane vasime'a kaupe a vasime'a manamana'u so imuamua'i xe ane'i ane ie'i selevenu a mimaleisi. Tami­tema latala mimaisi'a axone laso ane'i mi'iti'itinu Mosi'a Ta'isilaeli ualasou.

Matiu 21:11

La tamitema latala e mimuamua'i ne mikoline'i lexe, “Anu polopeti e Iesua, anu so tuala Nasaleti ne Xalili.”

Matiu 28:8

La tasema tamei ne mimama'u ia osa'ila misevile sika mipalea milutu so ilai ia'aloi'a tatisaipeli.

Matiu 9:8

Xe tamitema latala ne mimalei axone la mama'u mukasi'a mo mi'iti'itinu Mosinge ualasou xo anu molu mupilixinu xavi anene noxi'a tamitema.

Luku 1:65

Xe tatemanu tualasi'a mimama'u manina. La a'alosou muiaveiave sika tatemanu xale lia no la'ola'olu ne Iutea mukalusi ne mivivikalasousi.

Luku 1:68

“Ta'itinu ualasou Tatananenge e Mosinge Taisilaeli, xo anu mune'e so usu'ulinenge mo mulotonenge tamitemaou talivu noxou.

Luku 19:44

Xe imamuloneni ngoli'a ta'iline ixolu nonano ne naxali loxo lia uvilimisi. Xo mole lavo'osine vile uai no latanu vile la uasisi. Mi ne uxalisine xo nini netongonu voxo so Mosinge mune'e so upamau­lineni uasi.”

Luku 2:20

Xe no anu lailivu noxi'a tamitema so isaxila'a tasipisipi la milalai mo mi'itinu Mosinge ualasousi. Milemolu osa noxou Mosinge xo mimi e milomu­sou mo mimaisou la muxali mu'isa­lili a loxo angelo mupela'axusi.

Luku 24:19

La Iesua mutali'isi'a lexe, “Mimi ma'ia e ngalemolu ne?” Laso ilou mivikalanu aloxo 'o, “A telemolu mimi e muxali noxou Iesua so Nasaleti. Anu polopeti vile ane mu'oxonu xaixai xavinu mo mulanu vaikala mutiatila manina no iou Mosinge xe no ie'i tamitema latala.

Luku 5:26

Xe tamitema latala ne mimai­sou mi ne la mikulukemolu mo mimama'u manina la mi'itinu Mosinge ualasou lexe, “Mimi ane temaisou vaimomo 'o iou vilemo manina.”

Luku 5:8

Xe Saimoni Pita mumaisou axone la mutanga­tulu no tava'u Iesua la muvikala lexe, “O Tatanaleli, naxexesilo xo eni amitema so susu a.”

Luku 7:15

Sila alaxu vilesisi itema musoli ne mu'avuti mutulu mutalupexa mo muvivikalasi. La Iesua muno'u mulaixu noxie nenu.

Luku 7:39

Mi'oxo axone xe Palisi e mu'avalou Iesua mune'e ne mumaisie la muxavutala no oponu lexe, “Uo, loxo anu polopeti manina la anu ulavusie sema e ikasou 'o lexe ane sema so sususi ane.”

Luku 8:37

Ane'i tatemanu xale lia ne Xatala milomusou a'alo so sosovo so xavi ne la mama'u mukasi'asi. Laso ane'i milinga noxou Iesua lexe anu uxexesi'a ulai. La Iesua mulo­muxu linga noxi'a la mu'avuti mutelo no pouti so mulivu.

Luku 9:19

La ane'i mikolinu lexe, “Se'i ivikala lexe nini Tioni e itema so u'oxo ilixo so kelele. Xe se'i i'oxo lexe nini Elaitia. Xe se'i ivikala lexe nini polopeti vile so tatei mumauli ane.”

Tioni 1:21

La ane'i mitali'isou lexe, “Laso axova? Nini Elaitia?” La anu mu'oxo lexe, “Eni amitema ne uasi.” La mitali'ila lexe, “Nini Polopeti oleleo?” Ia anu mukoline'i lexe, “Uasi to.”

Tioni 1:25

a mitali'i noxou Tionila. Mi'oxo lexe, “Loxo nini ane so Kalaisiti o Elaitia o Polopeti olele uasi laso tava'u axova so na'oxonu ilixo so kelele noxi'a tamitema?”

Tioni 4:19

Sila sema ne mivikalanu lexe, “Tilao, anu mupalasi noxilo lexe nini masi polopeti vile ane.

Tioni 6:14

Ioxe, ane'i tamitema mimaisou sosovosou so xavi anene la ane'i mivikala lexe, “Ai manina misevile, ano'o ne Polopeti e Mosinge muvikala lexe upalusou une'e no lialia.”

Tioni 9:17

La ane'i mitali'i noxou itema e iou selevenu tei olelela lexe, “Nini namosou e na'oxo lexe mupaipounu ieni ne, laso nini navikalasou axova?” La anu mukoline'i lexe, “Anu polopeti vile ane.”

Ta'aposeli 5:5

Xe Ananaiasi mulomusou vaikala anene sila alaxu vilesisi mulapau mo musoli. Mulapau mo musoli laso tamaulu se'i mi'avuti mine'e miisisinu vasimolu mo mitavulenu milai mi'asixu. Xe tamitema ta'ei milomusou a'alo so mi ne, la mama'u tatila mukasi'a.

Ta'aposeli 7:37

La itema Mosisi nesi, anu itema ane muvikalane'i tatiatilasinge Ta'isilaeli tatei lexe, 'Mosinge usosovosou polopeti vile loxo eni 'o. Anu molu noxinge u'isalili.'

Xalesia 1:24

Milomusou a'alo­sou mimi ane Mosinge muxalixu noxilo axone la mi'iti'itinu Mosinge ualasouxu.