Luku 6:27 - Ata New Testament

²⁷ Mo musolonu aloxo 'ola, “Noxi­nge ta'ei so ngalomuxu vaikalaxeli la apelototo aloxo 'o. Ngingi ngasexelaxa'a tauluamengi mo nga'oxonu alauna noxi'a ta'ei imatapiangengi.

Luku 6:27 ပူးပေါင်းရင်းမြစ်များ

Maki 4:24

Mo muvikalane'i aloxo 'ola, “Vaikala ano'o ne ngalaxa'inu laixe, ngaxililiou uasi. Xo loxo ngingi nga'osasou la ngaxalisou se'i upita no latanula. Ia loxo nga'osasou malaxo uasi, la ngaxa­lisou se'ila uasi.

Luku 23:34

Mililixu Iesua mukalu la muvikala lexe, “Papao, oponeni ulu'e so susu noxi'a tamitema 'o xo ane'i ilavusou mi ma'ia i'oxonu 'o uasi.” La ta'ami mitaxusou lavulutiou ka mi'oxonu ilixo so uala so lexe ena'ei uno'u aneva.

Luku 6:22

Laixe noxinge ngingi a so tamitema imatapiangengi. Xo ngingi ngatavulenu ualasou Itema ane molu noxou Mosinge laso tamitema ikalitotongengi xe ivi­kala masuainge xe ixililiou ualasinge.

Luku 6:35

Ia ngingi nga'oxo aloxo 'o. Ngasexelaxa'a taulua­mengi mo nga'oxonu alauna noxi'asi. Mo loxo tamitema ixalixu tina'u noxinge la mi vile uasi, ngalosi'a mi ma'ia imasaxau io opongengi ututuluou lakolisou uasi. Xo ngingi ngaxalisou lakolisou lailaixe ili'i ane. Mo ngaxolu Anu U'uli'uli ta'olu xo anu ilixo noxou alaunasi noxi'a tamitema tamasua ane ivikala laixe so su'uli noxou uasi.

Luku 8:15

Ia tamitema se'i ne opone'i ulapu mo laixe laso uloxu vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso ane'i ixolu pumuxa'a no anu lopala noxi'a mo uxalixu nene'axu.”

Luku 8:18

Mo muvikalane'i aloxo 'ola, “Vaikala ano'o ne ngalaxa'i laixe no anu, ngaxililiou uasi. Xo itema aneva ukasou vaikalaxeli la alosou nene'axu tavu'alo no latanu. Ia itema ane ukasou manina uasi, la axexenu sevile e muai noxou ne.”

Luku 8:8

Ia uiti ngiaxu se'i mulapau no lia lailaixe la muleme xe unene'a laixe mo ai'ainu vilevilesi muxalixu 100.” Iesua mutilovo axone mukalu laso mu'ava lexe, “Itema loxo sangalou la ulomuxu vaikala ano'o.”

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 16:28

Ia Polu mu'ava tatila lexe, “Navila'isine mamu, xo nexi a taxoxolu 'o.”

Ta'aposeli 7:60

La anu muxo­lasou tava'u mo muvikala tatila lexe, “Tatanaleli, nakolinu susu ane i'oxonu noxilo 'o uasi.” Muvi­kala axone mukalu la musoli.

Xalesia 6:10

Laso ane, loxo nenge vote'i la ta'oxonu laixe noxi'a latala mukalusi. Xe loxo tavivinge no anu lopala la xavinengeou avile so ta'oxonu noxi'a.

1 Tesalonaika 5:15

Mo loxo vile noxinge ususu­nixine la nini nasusunoxu so nakolinu uasi. Xavingengiou ilixo laixe no taingengi xe noxi'a tamitema mukalusi.

3 Tioni 1:11

O maula, ilixo ane masua la namulinu uasi, namulinu ane laixesi. Xo itema so ilixo laixe anu itemaou Mosinge ane. Ia itema so ilixo masua la anu utongonu Mosinge uasi ane.