Luku 6:23 - Ata New Testament

²³ Ia loxo mi axone uxali noxinge la nga'osa mo opongengi ulei. Xo ngalomu, palaisimengi la'oluxu to a uai ulalaxi no tualasou Mosinge. Mo ngalavu aloxo 'ola, tatei ta'ilusune'i mi'oxo axone noxi'a tapolopeti kalumo.

Luku 6:23 ပူးပေါင်းရင်းမြစ်များ

Matiu 5:12

Loxo i'oxo noxinge axone la nga'osa'osasi xo ngaxalisou lapesou lailaixe no tualasou Mosinge. Mo ngalavu lexe tatei noxi'a tapolopeti ane mi'uli noxinge la tamitema milosi'a tu'umaxu iou vilesisi axone.”

Luku 1:41

Ioxe, Elisapeti milomusou aso noxie sila ilie no opone mu'avuti mu'oki. La Ulenu Laixe mupamuxane Elisapeti.

Luku 1:44

Xo loxo elomusine nevikala aso noxilo la alaxu vilesisi alixeli no opoleli mu'osa manina mo mu'avuti kena.

Luku 6:35

Ia ngingi nga'oxo aloxo 'o. Ngasexelaxa'a taulua­mengi mo nga'oxonu alauna noxi'asi. Mo loxo tamitema ixalixu tina'u noxinge la mi vile uasi, ngalosi'a mi ma'ia imasaxau io opongengi ututuluou lakolisou uasi. Xo ngingi ngaxalisou lakolisou lailaixe ili'i ane. Mo ngaxolu Anu U'uli'uli ta'olu xo anu ilixo noxou alaunasi noxi'a tamitema tamasua ane ivikala laixe so su'uli noxou uasi.

Ta'aposeli 14:10

Mutongonu axone laso anu mu'ava tatila lexe, “Nini natulu!” Sila alaxu vilesisi itema ne mutulu avile mo mumuamua'i.

Ta'aposeli 3:8

La anu muili'e mutulu mo mu­mua­mua'i. Mumua­mua'i la oli'a mi'unalai no tasou Mosinge. Mu'u­na­­lai la muili'eli'e la mu'iti'itinu Mosinge ualasou.

Ta'aposeli 5:41

Ane'i mila la mivikalane'i ngato'o lexe, “Ai, aloxo 'o laixe xo Mosinge muilonenge so tatavulenu tu'umaxu mo maila no anu ualasou Iesua.”

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

2 Kolini 12:10

Laso loxo no anu xaixai noxou Kalaisiti la eni xavi so a'oxonu uasi o loxo tamitema ipupuieli o loxo tu'umaxu ilou navunavu uxalisilo o loxo taxilili itovonu so imamuloleli la eni opoleli uai se'isisi. Xo eni alavu aloxo 'o. No voxo loxo eni pelesilosi, la eni axalisou xavi ane.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

2 Timoti 2:12

Mo loxo tatulu pakia'inge so tata­vulenu tu'utu'umaxusou, la nenge tapita noxou no anu kingi. Loxo taxiunu tumalinge noxou, la anu kalumo uxiunu tumalou noxinge.

Ipilu 11:26

Xo loxo axolu ne Isipi 'o la masi axolu no latanu mimi. Mo loxo a'una noxi'a olele la atavulenu maila no anu ualasou Itema Mosinge musoso­vosou. Ia mi vile uasi, xo lakolisou ane so axalisou ili'i ne lailaixe mo uua'ulixu ano'o avile.”

Ipilu 11:6

Xo loxo no anu lopala uasi la umomomo uasi manina so Mosinge u'osasou itema. Laso loxo itema umasaxau ulavusou Mosinge la masi ulopala tei lexe Mosinge uxolu. Mo ulopala lexe tamitema ta'ei tane'i u'oxoxu Mosinge la anu ukolinu mo u'oxone'i laixe.

Tiemisi 1:2

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi.

1 Pita 4:13

Ngingi a nge'una no anu navunavu e Kalaisiti mutavulenu laso loxo navunavu ne utila la osa noxinge kalumo utilasi. Mo so no voxosou Kalaisiti upala'a no iaxu avile la osa'ila noxinge ulolutusi.

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Mupala'a 2:26

Ioxe, noxi'a tamitema ane so iua'uli mo imulinu ili'ilixo noxilo ulai umomomo no anu kaluxusou lialia la a'oxo aloxo 'o. Eni alosi'a xavi so i'uli laxune'i tatemanu xale tuatuala mukalusi.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

Mupala'a 21:7

Laso noxi'a tami­tema ane iua'uli la mimixeli mukalusi apilixinu noxi'a xo eni axolu a Mosi'a xe ane'i ixolu ta'alixeli ane.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

Mupala'a 3:5

Ane'i tamitema so iua'uli ne eni asu'asi'a no anu lavuluti kea ne. Mo umomomo uasi manina so axexenu ualasi'a no anu lavuku so mauli. Axexenu uasi, alemolu no laxunu Mamilo xe no laxune'i ta'angelou.