Luku 6:21 - Ata New Testament

²¹ Laixe noxinge ngingi a ngasolingenge vaimomo 'o xo ili'i la ngakalusou masaxa avile. Laixe noxinge ngingi a ngatatama vaimomo 'o xo ili'i ngingi nga'osa mo ngakekesi ane.

Luku 6:21 ပူးပေါင်းရင်းမြစ်များ

Matiu 5:4

Laixe noxi'a ane'i ane itatama vaimomo 'o xo ili'i la ixalisou mamatola ane.

Matiu 5:6

Laixe noxi'a ane'i ane opone'i ututuluou ilixo mulapusi aloxo itema usolixu la'ilali ilou lexa. Xo opone'i ututuluou ilixo malemalenga axone la uxali u'isalili no anu masaxa noxi'a ne.

Luku 1:53

Tamitema ane misolixa'a la mu'itixa'a la'ilali xo la mikalusou masaxa avile. Ia ane'i ane mixolu no latanu mimii'a la mukusai'a milai mixaxasi.

Luku 6:20

La Iesua iou muxiu mulaii'a tatisaipeliou la muvikala aloxo 'o, “Laixe noxinge ane xoluxolu­ngenge loxo ta'oloxola xo ili'i la ngingi ngaxolu nonano no voxo so Mosinge molu u'uli laxune'i tamitemaou.

Luku 6:22

Laixe noxinge ngingi a so tamitema imatapiangengi. Xo ngingi ngatavulenu ualasou Itema ane molu noxou Mosinge laso tamitema ikalitotongengi xe ivi­kala masuainge xe ixililiou ualasinge.

Luku 6:25

Masua noxinge ngingi ane nga'ani laixe vaimomo 'o xo ili'i la ngasolingenge ane. Masua noxinge ngingi ane ngakeke vaimomo 'o xo ili'i la ngatatama mo iengi lexaxu upeipei.

Tioni 11:35

La Iesua mutatamasi.

Tioni 4:10

La Iesua muvikalane lexe, “Loxo nelavusou mi lailaixe ane Mosinge mipilixinu 'o, mo loxo nelavu lexe eni ena'ei a elingau lexa noxine ne, la nini masi nelinga noxilo kaio elosine lexa so mauli. La ua.”

Tioni 6:35

La Iesua muvikala lamana lexe, “Pileti so mauli ne a eni 'osi. Itema aneva une'e noxilo la usolixula uasi. Xe itema ane ulopala noxilo la usoliou lexala uasi.

1 Kolini 4:11

Mo tateimo mune'e muxali vaimomo 'o nexi taxolu tasolinexe so la'ilali ilou lexa. Mo mimimexi ne muxa­sixasisi. Mo tamitema isavasa­valixe. Mo taxolu tasixe uasi, talili vitanisi.

2 Kolini 11:27

Mo etavulenu navunavusou xaixai ialuxu iouiou. Xo alaxu tavu'alo ano'u ai no olovoxo uasi. Xe exolu esoliou la'ilali ilou lexa xo vote'i so axalisou ani'ani uasi. Xe alaxu tavu'alo exolu sivevelo xo silo ala'ala uasi.

2 Kolini 12:10

Laso loxo no anu xaixai noxou Kalaisiti la eni xavi so a'oxonu uasi o loxo tamitema ipupuieli o loxo tu'umaxu ilou navunavu uxalisilo o loxo taxilili itovonu so imamuloleli la eni opoleli uai se'isisi. Xo eni alavu aloxo 'o. No voxo loxo eni pelesilosi, la eni axalisou xavi ane.

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Mupala'a 21:3

Mukalu la elomusou xoli molu no sia kingi muvikala tatila aloxo 'o, “Ngamalei, tasou Mosinge a uxoxolu noxi'a tamitema mo so anu utalupexa no taine'i. Laso ane'i ixolu tamitemaou mo anu Mosinge molu a uxolu noxi'a.

Mupala'a 7:16

Laso ane'i isolixa'a so la'ilali o lexala uasi. Mo aso uve'a uasi mo mi vile u'oxonu sasaie'ila uasi.