Luku 6:20 - Ata New Testament

²⁰ La Iesua iou muxiu mulaii'a tatisaipeliou la muvikala aloxo 'o, “Laixe noxinge ane xoluxolu­ngenge loxo ta'oloxola xo ili'i la ngingi ngaxolu nonano no voxo so Mosinge molu u'uli laxune'i tamitemaou.

Luku 6:20 ပူးပေါင်းရင်းမြစ်များ

Matiu 11:5

Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Luku 12:32

Iesua muvikalane'i tatisaipeliou aloxo 'ola, “Ngingi tasipisipi se 'o nga'ume uasi. Maminge oponu ututulu lexe no voxo loxo anu molu u'uli laxungengi tamitemaou la upilixinu mimiou noxinge.

Luku 13:28

La no voxo anene ngamaisou lexe Mosinge molu u'uli laxune'i Apala'amu xe Aisaki xe Iakovo xe tapolopeti mukalusi. Ia ngingi la ukusainge ngaxolu noalesi mole ngatatama mo anangenge ukala­kikisi.

Luku 14:15

Ioxe, la itema vile oli'a Iesua mitalupexa so i'ani no latevolo mulomusou vaikalaou ne la muvikala lexe, “Anu laixe manina noxi'a tamitema mukalusi ane ixolu nonano mo i'ani'ani no anu voxo so Mosinge molu u'uli laxune'i tamitemaou.”

Luku 16:25

Ia Apala'amu mukolinu lexe, 'Alixeli, taneniu mi vile aloxo 'o. No voxo ane nemaulisio la nexolu no anu mimi latanusi. Xe Lasa­lusu xoluxoluxu masuasi. Ia vaimomo 'o no tuala ano'o anu umamatola laixe xe nini la natavulenu tu'umaxusi.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

2 Kolini 8:2

Xo ane'i mita­vulenu tu'utu'umaxu tatila mo mixolu avo'a muxaxasi. Ia Mosinge mu'avutinoxu osa noxi'a mo avo'a temanu mulolutu so mi'alaunasi'a tavimo'a talopala.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

1 Tesalonaika 1:6

Ioxe, texolu xe ngekasou vaikalaou lexe manina sila ngetavulenu tu'utu'umaxusou tavu'alo ne. Ngetavulenu tu'uma­xusou ia Ulenu Laixe mu'avutinoxu osa no opongengi. Laso ngingi ngeuanenexe noxi'a Tatananenge.

2 Tesalonaika 1:5

Xo anu umaxa'u lamana lexe loxo Mosinge utilovo la anu ulapusi, u'oxonu mi vile vuluvulusi uasi. Laso ngalavu lexe ngatavulenu navunavu vaimomo 'o so ulalaxingengi mo so no voxo loxo anu molu u'uli laxune'i tami­temaou la xoluxolungenge umo­momo mukalu.

Tiemisi 1:12

Laso anu laixe noxou itema ane utulu pumuxu no anu tu'umaxu loxo utovonu lopala noxou. Xo uxolu uua'uli no anu xo xe ukalu la Mosinge ulosou palaisisou. Palaisi ne anu mi so mauli kaluxu uasi ane muvavalimasou noxi'a ane'i ane isexelaxu.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

Mupala'a 2:9

Eni elavu no anu tu'utu'umaxu ngatata­vulenu mo ngingi nga'oloxola no anu mimi so vasimenge. Ia ngepa­lava no anu mimi so ulengengi. Mo elavusou vaikalai'a tamitema ane ipupuienge. Ane'i ikalavoi lexe ane'i Taiuta, ia uasi, ane'i tatemanu pita noxou Uluaou ane.