Luku 6:19 - Ata New Testament

¹⁹ La ane'i tamitema latala mitovonu so ikasi noxou xo anu xaviou a mulutu noxou mo mupaipoune'i.

Luku 6:19 ပူးပေါင်းရင်းမြစ်များ

Matiu 14:36

Mine'ene'i mukalu la milinga noxou Iesua lexe ane'i ikasi se no telexu lasiotiou veveni. Xe ane'i ta'ei mukalusi ikasou axone la laixene'isi.

Maki 3:10

Ikapikapinu axone xo anu mupaipoune'i tamitema pipiena iouiou mukalu. Laso ane'i tapipiena ane upaipoune'i uao la isousoune'i ngato'o so itovonu ikasi noxou.

Maki 5:30

Ia alaxu vilesisi Iesua mulavu lexe xavinu sevile mulutu noxou. Laso anu muxiu mo mutali'isi'a tamitema latala ne lexe, “Ena'ei mukasou mimixeli?”

Maki 6:56

Xe loxo Iesua mulai no tuala o taoni o xale lia ne'ei la tamitema ilavusou ipitane'i tapipiena no anu tanixu maketi. Mipitane'i miai ne xe loxo anu mupolo noxi'a la milinga noxou lexe ikasou lasiotiou veveni telexu se no lia. Xe ane'i ta'ei mikasou axone la laixene'i avile.

Maki 8:22

Xe mune'e la mixali no tuala ne Vetisaita. Mixali la tamitema mine'enu itema vile iou selevenu mo milinga noxou Iesua lexe umulaxu avolu noxou itema ne.

Luku 5:17

Ioxe, mune'e xe voxo vile la Iesua a muvotovoto. La ane'i Tapa­lisi oli'a tatisa so lavuloto a mixolu milolomu ne. Ane'i me'a ne Ielusa­lemo xe no anu tuatuala no xale lia ne Xalili mo ne Iutea. La xavi noxou Tatananenge muxolu noxou Iesua so upaipoune'i tami­tema isiki iouiou.

Luku 6:18

Ane'i mipita so ilomusou votovoto noxou xe so upaipoune'i no anu siki iouiou. Xe ane'i ane ta'angelo tamasua milosi'a xoluxolu masua la anu mu'isalilinixi'a.

Ta'aposeli 19:12

Xo aloxo 'o. Mi ma'ia mulaisou vasimolu Polu, loxo lavalava xasixu o mimi, la tamitema mino'u so imulaxu no vasime'a tamitema ipipiena. Mi'oxo axone la tamitema laixene'i xe ane'i ane ta'angelo tamasua mikasi'a, la mixexesi'a.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.