Luku 6:17 - Ata New Testament

¹⁷ Xe mukalu la oli'a Iesua milivu milu'e no la'olu mo anu mutulu no anu apu latia vile. La oli'a tatisaipeliou tavu'alo mukalusi xe tamitema se'ila e lapilai uasisi a mixolu mipita ne. Ane'i tatemanu xale lia ne Iutea xe so taoni Ielusalemo xe so luaki pa'umolu no taoni Taili mo Saitoni.

Luku 6:17 ပူးပေါင်းရင်းမြစ်များ

Matiu 11:21

La muvikala lexe, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulo no kisi'a so imaxa'u mama'u so susu noxi'a.

Matiu 12:15

Ia Iesua mulavusou xavutalai'a Tapalisi ne laso anu muxexesou tuala ne. Xe tamitema latala mimulimulinu la anu mupai­poune'i tapipiena noxi'a mukalusi.

Matiu 14:14

Laso loxo Iesua so usua la mumaisi'a tamitema latala a mixolu mukalu. La anu tanuxa'a mo mupaipoune'i tapipiena noxi'a.

Matiu 15:21

Ioxe, Iesua muxexesou tuala ne mo mulai no xale lia ne Taili xe Saitoni.

Matiu 5:1

Ioxe, Iesua mumaisi'a tamitema latala milasi mine'ene'e laso anu mutelai no la'olu vile mo mutalupexa. Mutalupexa mukalu la tatisaipeli mine'ene'e noxou.

Luku 5:15

Ia a'alosou mimi ane Iesua mu'oxonu muia­veiave mulai nopaxapaxasi. La tamitema latala e latala mine'ene'e so ilomusou vaikalaou mo so upaipoune'i no anu siki noxi'a.

Luku 6:12

Ioxe, no voxo anene Iesua mutelai no la'olu vile so uvikala noxou Mosinge. La muxolu olovoxo loloni muvikala noxou Mosingesi xo mo lamana mukea.

Luku 6:16

Xe Iutasi anu Tiemisi olu mo Iutasi Isikalioti e itema ane so upilixinu Iesua no avo'a tauluaou.

Luku 6:18

Ane'i mipita so ilomusou votovoto noxou xe so upaipoune'i no anu siki iouiou. Xe ane'i ane ta'angelo tamasua milosi'a xoluxolu masua la anu mu'isalilinixi'a.