Luku 6:13 - Ata New Testament

¹³ Ioxe, aso muxali la anu mu'a­va­li'a tatisaipeliou mo muilou­ne'i 12 noxi'a so umoxo'a lexe ta'aposeliou.

Luku 6:13 ပူးပေါင်းရင်းမြစ်များ

Matiu 10:2

La ualaualasi'a ta'aposeli 12 ne aloxo 'o. Saimoni ane ualasou vile lexe Pita xe vimou e Anitilu xe Tiemisi ilou vimou Tioni e Sepeti ta'olu.

Matiu 19:28

La Iesua muvikalane'i lexe, “Eni avikala­ngengi manina aloxo 'o. No voxo loxo mimi uxiu uxali alavuala la Itema ane molu noxou Mosinge utalupexa no anu sia kingi iaxu noxou. Ioxe, laso no voxo anene ngingi ane ngemulileli 'o, ngingi ngatalupexa no anu sia kingi 12 kalumo. Ngatalupexa ne so ngato­ngonu ilixo noxi'a laili 12 noxi'a Ta'isilaeli.

Matiu 9:36

Mo loxo mumaisi'a tamitema latala axone la anu tanuxa'a misevile xo ane'i opone'i muvaxa mune'e mo xoluxoluxa'a masua. Ane'i loxo tasipisipi ane tatanane'i so usaxila'a uasi.

Maki 6:30

Ioxe, tatisaipeliou Iesua mixi­xao­xao xo xe milivu mipita noxou. La mia'alo noxou no anu xaixai mo votovoto e mi'oxonu no tuatuala.

Maki 6:7

Xe mune'e la anu mu'avali'a tatisaipeliou 12 mipita noxou. La anu muvikalane'i aloxo 'o, “Ngingi tametamei ngalai ngaxixao no tuatuala. Ngalai, la ngalai no anu xavi noxilo so ngakusai'a ta'angelo tamasua ane ikasi'a tamitema.

Luku 11:49

Laso lavulavu u'asi'asi noxou Mosinge muvikala aloxo 'o, “Eni apalusi'a tapolopeti oli'a ta'aposeli ilai noxi'a. Ilai ia tamitema i'oxonu masua noxi'a se'i mo se'i la ive'a isoisoli.

Luku 22:30

Xo no voxo loxo eni a'uli laxune'i temitemaxeli la ngingi ngaxolu nonano so nga'ani mo ngaie no latevolo noxilo ne. Mo ngingi ngatalupexa no anu sia kingi so ngatilovosou ili'ilixone'i laili 12 noxi'a Ta'isilaeli.”

Luku 6:14

La tamitema 12 ane musoso­vosi'a ne ualaualasi'a aloxo 'o. Saimoni ane Iesua mulemolu lexe Pita. Xe Pita vimou Anitilu. Xe Tiemisi mo Tioni mo Pilipi mo Patolomiu.

Tioni 4:33

Laso ane'i tatisaipeli mivikalane'i ngato'o lexe, “Ai masi evile mune'enu xou ani'ani mane, ne?”

Ta'aposeli 1:13

Ane'i mixali no tani la mitelai no anu ngiou tameisou teitexi ane mixoxolu no anu. La ualaualasi'a aloxo 'o. Pita xe Tiemisi xe Tioni xe Enitilu xe Pilipi xe Tomasi xe Patolomiu xe Matiu xe Tiemisi ane Alipiusi olu xe Saimoni ane so laili Seloti xe Iutasi Tiemisi olu.

Epesusi 2:20

Xe nexi ta'aposeli mo tamitema so pela'a ne loxo lavolavo'o so tani tava'u. Xe Kalaisiti Iesua anu anusi a lavo'o so tani kisou.

Epesusi 4:11

Mimi lailaixe muiti'a tamitema ne lavulavu so xaixai aloxo 'o. Noxi'a se'i la ane'i tamitema ta'aposeli xe se'i tamitema so pela'a xe se'i la ane'i tamitema so ilanu vaikala laixe so Kalaisiti xe se'i so ivu'uline'i mo ipelototosi'a Mosinge ta'olu.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

Mupala'a 12:1

Ioxe, mi vile iou vilemo manina mo so tanengelili no anu mupa no loxotolo. Mi ne aloxo 'o. Sema vile lavulutie no anu aso a mixoxolu. Xe so'io muai no tava'e laxu. Xe tataoto 12 muxixaosou kisie a loxo ati.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 21:14

Xe no anu vimelusou taoni ne la lavo'o 12 a muta'olu no tava'u so pumuxu no anu. La no anu lavolavo'o ne ualaualasi'a ta'aposeli 12 noxou Sipisipi Ilie a mukaukavu no anu.