Luku 5:24 - Ata New Testament

²⁴ Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvikalanu itema e xixinu musoi­soli ne lexe, “Nini natulu mo nano'u lusine mo nalai no tasine.”

Luku 5:24 ပူးပေါင်းရင်းမြစ်များ

Matiu 16:13

Mukalu la Iesua mulai no xale lia ne Sisalia Pilipai. La no voxo anene mutali'isi'a tatisaipeliou lexe, “Itema e molu noxou Mosinge, tamitema ivikala lexe anu ena'eio?”

Matiu 25:31

Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou.

Matiu 26:64

La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.”

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Matiu 4:24

Ioxe, a'alosou muxixaousou xale lia ne Silia mukalusi. Laso mine'ene'i tamene­xi'a ta'ei pipiena iouiou mukasi'a xe mitavulenu tu'umaxu xe ta'angelo tamasua mikasi'a xe ane'i ane i'olo'olo sika ilapau xe ane'i ane xixine'i musoisoli. Mine'ene'i noxou Iesua laso mupamauline'i.

Matiu 9:6

Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tami­tema so lavulavu axone mukalu la muvika­lanu itema e xixinu musoi­soli ne lexe, “Nini natulu xe nano'u lusine mo nalai no tasine.”

Luku 5:13

Laso Iesua mumexinu avolu mo mumu­laxu no vasimolu itema ne la muvikala lexe, “Eni amasaxa. Nini namalemalenga.” Xe alaxu vilesisi la pipiena lepelesi ne muxexesou itema ne.

Luku 5:18

Anu muxolu la tami­tema se'i mivaivo­lonu itema vile no anu lu. Itema ne xixinu musiosoli laso maixene a mitavu­lenu mine'e­nu so i'unanu no tani mo imulaxu alai noxou Iesua.

Luku 5:23

Ma'ia ane ialuxu so alemolu? Ialuxu so avikala lexe tina'uxene so susu mukalu o ialuxu so avikala lexe natulu nano'u lusine mo nalai?

Luku 7:14

Muvika­lane mukalu la mulai mumulaxu avolu no lusou itema vasimolu laso ane'i ane mitavulenu la mitulusi. Xe Iesua muvikala lexe, “Mauluo, eni avikalaneni lexe natulu.”

Luku 8:54

Ia Iesua mulai noxie mo mutila'e no avole mo muvikalane lexe, “Aliku seo, natulusi.”

Tioni 11:43

Muvikala axone mukalu la mu'ava tatila lexe, “Lasalusuo, nauatu.”

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 3:13

Evilela mutelai no tualasou Mosinge uasi. Itema ane molu noxou Mosinge e muxolu no tualasou Mosinge ka mulu'e, anusisi anesi.”

Tioni 5:27

Anu ne Itema ane molu noxou Mosinge, laso Maminge mulosou xavi no anu tanixu e so utilovosou kaio ukolinu susu noxi'a tamitema.

Ta'aposeli 14:10

Mutongonu axone laso anu mu'ava tatila lexe, “Nini natulu!” Sila alaxu vilesisi itema ne mutulu avile mo mumuamua'i.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Ta'aposeli 9:34

La Pita muvikalanu aloxo 'o, “Aineasi, alala'e 'osi Iesua Kalaisiti upaipou­neni. Natulu mo nano'u lusine.” Sila anu mutulu alaxu vilesisi.

Ta'aposeli 9:40

Mitatama mitatama xo la Pita mupalusi'a milai noale. Ia anu muxolasou tava'u mo muvikala noxou Mosinge. Muvi­kala noxou Mosinge xe iou mukaie Tavita la muvikala lexe, “Tavita, natulu.” Sila alaxu vilesisi iei muka. Iei muka xe mimaisou Pita la ane mitulu mitalupexa.

Mupala'a 1:13

La no tainu lalamo la emaisou anu ane muxali itema a mutulu. Lavalava veveni musu'asou la muxali no tava'u avile. Xe musinixu laleti koli no lutunu.