Luku 5:17 - Ata New Testament

¹⁷ Ioxe, mune'e xe voxo vile la Iesua a muvotovoto. La ane'i Tapa­lisi oli'a tatisa so lavuloto a mixolu milolomu ne. Ane'i me'a ne Ielusa­lemo xe no anu tuatuala no xale lia ne Xalili mo ne Iutea. La xavi noxou Tatananenge muxolu noxou Iesua so upaipoune'i tami­tema isiki iouiou.

Luku 5:17 ပူးပေါင်းရင်းမြစ်များ

Matiu 11:5

Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 15:1

Ioxe, no voxo ne la Tapalisi se'i xe tamitema so lavulavu no anu lavuloto se'i me'a ne Ielusalemo mine'e noxou Iesua. La mivikalanu lexe,

Maki 1:45

Iesua mupela'u axone ia mulai la mua'aloxu mi ane muxali noxou noxi'a tamitema tavu'alo. Xe a'alosou muiaveiave laso umomo­mo so Iesua u'unalai no tuatuala uasi xo loxo 'o io tamitema iveli so isaxisou. U'unalai uasi muxolu no xale lia ane tamitema ixolu no anu uasi laso tamitema mine'ene'e noxousi.

Maki 16:18

Xe ane'i itetelisi'a tasineke tamasua no avo'a mo iiexu lamalasini ane ulavusou uve'a tamitema, ia isoli uasi. Xe loxo imulaxu avo'a noxi'a tapipiena la ane'i tapipiena ne laixene'isi.”

Maki 3:22

Xe tamitema se'i so lavulavu no anu lavuloto so tuala Ielusalemo milu'e mixali la mivikala lexe, “Ai, Velisevuli e tila noxi'a ta'angelo tamasua mukasou ane.” Ane'i mikalavoi lexe Uluaou mukasou Iesua axone mo mi'oxo lexe, “Ngamaisou. Anu ukusai'a ta'angelo tamasua no anu xavinu Velisevuli to!”

Maki 5:30

Ia alaxu vilesisi Iesua mulavu lexe xavinu sevile mulutu noxou. Laso anu muxiu mo mutali'isi'a tamitema latala ne lexe, “Ena'ei mukasou mimixeli?”

Maki 7:1

Xe mune'e la Tapalisi oli'a tami­tema so lavulavu no anu lavuloto se'i me'a ne Ielusalemo mo mine'e mipita noxou Iesua.

Luku 15:2

La Tapalisi oli'a tamitema so lavulavu no anu lavuloto opone'i tu'umaxu mo mimunumunuxu lexe, “Itema ano'o uvaitami noxi'a tamitema so ili'ilixo masumasua mo oli'a ipita i'ani'ani to!”

Luku 2:46

Ilou mixali ne Ielusalemo la mikaka­mu­linu xo mole voxo tatalu. Xe mukalui sila mixalisou muxolu no mataunaxu tasou Mosinge. La muxoxolu no taine'i tamitema so lavulavu no anu lavuloto ne mo a mulolomusou vaikalai'a xe mutata­li'i­si'axu.

Luku 5:21

Ia tamitema so lavulavu no anu lavuloto oli'a Tapalisi milomu axone la mitatali'i no opone'i lexe, “Anu u'oxo lexe anu ena'ei to? Xo vaikala e so noxou Mosinge u'isalili la itema ano'o ulemolu vuluvulusi. Mosinge anusisi umomomo so ukalusou tina'u so susu.”

Luku 5:30

Oli'a i'ani'ani io Tapalisi oli'a tamitema se'i noxi'a so lavulavu no anu lavuloto mine'e misoko'u so ito'oto'ome'a tatisaipeliou no anu vaikala aloxo 'o, “Ai, loxova so ngingi ngoli'a tamitema so itaxusou taxisi xe tamitema so ili'iloxo masua iouiou a nga'ani mo ngaie ne?”

Luku 6:19

La ane'i tamitema latala mitovonu so ikasi noxou xo anu xaviou a mulutu noxou mo mupaipoune'i.

Luku 7:30

Ia ane'i Tapalisi oli'a tamitema so lavulavu no anu lavuloto la mixiunu tumali'aou vote'i laixe e Mosinge mulala­xisi'a ne. Ane'i anene ilai so Tioni u'oxonu ilixo so kelele noxi'a uasi.

Luku 8:46

Ia Iesua muvikala lexe, “Uasi. Evile mukasilo ane. Xo eni examulinu xavi se'i a mulutu noxilo.”

Tioni 3:10

Xe Iesua muvikalanu lexe, “Loxova, nini natisa noxi'a Ta'isilaeli to ane, ia mimi anene nalamana no anu uasi?

Tioni 3:21

Ia itema aneva xoluxoluxu no anu maninasi la ulavusou une'e no anu lamana mo so anu upalasi lexe mi ma'ia u'oxonu la Mosinge molu uxalixu ne.”

Ta'aposeli 19:11

Ioxe, no avolu Polu la Mosinge mu'oxonu sosovo so xavi iouiou mo xavinu musuku.

Ta'aposeli 4:30

Mo nini namexinu avone so napamaulinu tamitema vasime'a xe na'oxonu sosovo so xavi no anu ualasou Itemameni malemalenga Iesua.”

Ta'aposeli 5:34

Ia vile noxi'a, ualasou lexe Xamalieli, mu'avuti mutulu no taine'i. Anu tisa vile so lavuloto no anu laili noxi'a Tapalisi. Tamitema milavusou i'itinu ualasou itema ne lexe lavulavuou mutoxoxa'a. Mutulu no taine'i la muvikala lexe tamitema so latolo ilaixi'a ta'aposeli noale sevileo.