Luku 4:6 - Ata New Testament

⁶ La Uluaou muvikalanu lexe, “Namaisou xale tuatuala lailaixe 'o, eni alosine xo anu mukalusi uxolu no avolo so apilixinu noxo ei no anu masaxa na'a xeli.

Luku 4:6 ပူးပေါင်းရင်းမြစ်များ

Luku 4:7

Laso loxo namaxa'u mama'u so na'itileli la nini na'a ninisi ane.”

Tioni 12:31

Anu voxo a muxali 'oe so Mosinge upilixinu vaikala so mamulusou susu noxi'a tatemanu lialia. Mo kalumo anu a voxo so anu ukusaou ane ane mu'uli laxunu lialia 'oe.

Tioni 14:30

Eni alemolu vaikala piena noxinge la uasi xo anu ane u'uli laxunu lialia anu a unene'e 'oe. Anu xaviou so u'oxonu mi vile noxilo to uasi.

Tioni 8:44

Ngingi tano­xou maminge to e Uluaou mo ngingi opongengi ututulu so nga'oxonu mimi ane maminge ne umasaxau. Musoko'u tei manina mune'e 'o la anu ulavusou uve'ave'a tamitema isoisoli. Anu muamua'i­xu no anu manina uasi xo manina uxolu noxou uasisi. Loxo anu ulemolu kalavoi la anene ula no anu temanu xoluxoluxu xo anu mosou kalavoi xe anu mami'a tamitema so kalavoisi.

2 Kolini 11:14

Ia anu mi so takuluke no anu uasi xo Uluaou kalumo uxiunu so usaxi loxo angelo so lamana.

Epesusi 2:2

Mo no voxo anene la opongengi mututuluou ili'ilixo masumasua so lialia 'osi. La ngemulinu masaxa noxou tatila noxi'a tami so xavi masua ane ixixao teitexi no latanu lialia. Tatila noxi'a ne, anu angelo masua ane uxaxai no opone'i tamitema so xilili.

1 Pita 1:24

A loxo lavukuou Mosinge ulemolu, “Tamitema no lialia mukalusi maulixa'a ata'ataxu sesi aloxo laxalasi 'osi. Xe ualaualasi'a tasiauxu palea aloxo xixi sesenu 'osi. Xo laxalasi uxolu maxuveni uasi ka uxaloxalosi, xe xixi sesenu ununu paleasi.

1 Tioni 5:19

Xe nenge talavu lexe nenge tanoxou Mosinge ia lialia oli'a tatemanu mukalusi uxolu no laxu xaviou mosou susu ne.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.

Mupala'a 13:2

Mi vova emaisou ne musaxi loxo salimile toxoxu ane ilemolu lexe lepati. Xe tava'u aloxo misoposi vea mo anaxu a loxo laioni 'o. La mi loxo sineke tatila muvulanu xaviou mulai noxou mo so mi vova ne uxali kingi mo xavinu loxo anu.

Mupala'a 13:7

Xe Mosinge mu'italonu kalumo so u'otoxa'a tamitemaou Mosinge mu'isalili no lialia la muua'ulixa'a. La anu muno'u xavi so mu'uli laxune'i lailaili mukalusi xe vasime'a iouiou xe vaikalai'a vilevilesi xe tatemanu tuatuala mukalusi.