Luku 4:35 - Ata New Testament

³⁵ Ia Iesua mulavixu lexe, “Naxo tasiausi. Naxexesou itema ne.” Xe angelo masua mupalapeinu no taine'i tamitema sila muxexesou ia uvila'isou itema ne vasimolu uasi.

Luku 4:35 ပူးပေါင်းရင်းမြစ်များ

Matiu 17:18

Xe Iesua mulavixu angelo masua ne sila alaxu vilesisi muxexesou molomolo ne sika laixenusi.

Matiu 8:26

Xe anu muvi­ka­lane'i lexe, “Ngingi to ne tamitema so lopala isusu'a sesi. Ngingi nga'olo'olo xo ma'ia?” Mukalu la anu mu'avuti mutulu mulavixu la'ave ilou xasi. Sila sivo mutalo xe kupa muai se'isisi avile.

Maki 1:26

Sila angelo masua mu'umu'u­munu itema ne la mu'unga toxoxu laso muxe­xesou.

Maki 4:39

Laso Iesua mutulu la mulavixu la'ave mo muvikalanu xasi lexe, “Natalo. Naxolu se'isisi.” La sivo ne muai se'isi mo kupa muaisi.

Maki 9:26

Sila angelo masua ne mu'ava tatila mo mu'umu'umunu mu'oki. Mukalu la muxexesou mo molomolo muai ovu mautunusi. La ane'i tamitema latala mi'oxo lexe, “Iu musoli masi.”

Luku 11:22

Ia loxo itema vile xavinu tatila musuku u'otoxu mosou tani ne mo uua'ulixu, laso ane. Anu u'umenu mimi so oto e itema ne mulopalanu so u'oxo latolosou mo utaxusou mimi no tasou ne. Mukalu la uvelunui'a tamenexusi.”

Luku 4:23

La anu muvikalane'i aloxo 'o, “Ngingi masi ngavikalaleli no anu vaikala ane tamitema ilavusou ilemolu lexe, 'Tokota, nini mene napaipouneni. Nexi telomu lexe nini ne'oxonu mimi iouiou ne Kapeniamu, laso na'oxo axone kalumo no anu nunisine 'o.'”

Luku 4:39

Mili­ngau su'ulisie laso Iesua musuku mutulu alai noxie la mulavixu pipiena ne sila mupaxelesie ka mi'avuti milalaxinu xa'a la'ilali.

Luku 4:41

Xe noxi'a se'i la ta'angelo tamasua mixexesi'a mo mi'unga tatila lexe, “Nini ne Mosinge Olu ane!” Ia anu mulavixa'a lexe ixolu tasiau xo ane'i milavu lexe anu ane so Kalaisiti ne.

Luku 8:24

La ane'i milai mitulusou Iesua lexe, “Tilao, Tatila, nenge masi tamamulo ane!” Xe anu mu'avuti mutulu sika mulavixu sivo ilou xasi tatila loxo kisou ulu ne. Mulavixu sila alaxu vilesisi mutalo mo muai e muai se'isisi.

Luku 9:39

Anu alaxu tavu'alo angelo masua utelosou mole alaxu vilesisi uiaukaka mo umuamuainu vasimolu mo livili­vixu upeipei. Angelo masua ne uvilasou vasimolu la ukasou utotomu utotomu sika uxexesou alaxu vilevilesisi.

Luku 9:42

Ioxe, molomolo uao une'esio mo a so uxali noxou Iesua la angelo masua mupalapeipeni mo mumua­muainu. Ia Iesua mulavixu angelo masua so uxexesou molomolo ne. Iesua mupamaulinu axone mukalu laso mulaixu noxou momu.

Mupala'a 12:12

Laso ngingi tatemanu tualasou Mosinge nga'o­sailasi. Ia ngingi tatemanu lialia ilou luaki la ngalaxa'ingengi xo Uluaou a mulu'e noxinge ne. Mulu'e ne la la'iaxu misevile xo ulavu lexe voxosou ataxusi.”