Luku 4:18 - Ata New Testament

¹⁸ “Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 4:18 ပူးပေါင်းရင်းမြစ်များ

Matiu 11:5

Xo tamitema ane ie'i mutomu la imaleila. Xe ane'i ane tava'a musoisoli la imua­mua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Matiu 12:18

“Ngamalei, ano'o itema so xaixai noxilo e eni melo eilounu. Eni asexelaxu misevile mo taleli u'osasou manina. Eni apilixinu Uleleli noxou mo so anu ulanu vaikala so ilixo ulapu noxi'a tamitema noale'ale.

Matiu 12:20

Loxo lele'i so ukoa la anu uxola'u avile uasi. Xe lalamo kaxu so usita la anu usitanoxu avile uasi. Anu uxolu uxaxaisou xo mo ilixo ulapu uua'uli avile.

Matiu 4:16

Ioxe, tatemanu xale lia ne ane'i a mixoxolu no isivoxosi sika mimaisou lamana tatila. Ane'i a mitalupexa no anu maimaixu soli sika lamana mutalosi'asi.”

Matiu 5:3

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Luku 4:17

La ane'i milosou lavuku noxou polopeti Aisaia. Xe anu muxavulalanu mo muxalisou pa'usou ane uvikala aloxo 'o,

Luku 6:20

La Iesua iou muxiu mulaii'a tatisaipeliou la muvikala aloxo 'o, “Laixe noxinge ane xoluxolu­ngenge loxo ta'oloxola xo ili'i la ngingi ngaxolu nonano no voxo so Mosinge molu u'uli laxune'i tamitemaou.

Luku 7:22

La Iesua mukoline'i tatisaipeliou Tioni aloxo 'o, “Ngilou ngalivu la ngaa'alou Tioni no anu mimi e ngemaisou mo ngelomusou 'o. Xo tamitema ane ie'i mutomu la imaleila. Xe ane'i ane tava'a musoisoli la imuamua'isi. Xe tamitema so siki lepelesi la vasime'a malemalengala. Xe ane'i ane sangali'a mutomu la ilolomula. Xe se'i ane misoisoli la itulutulu imaulila. Xe tamitema ta'oloxola la ilomusou votovotosou vaikala laixe.

Tioni 1:41

Ioxe, Anitilu ne loxo muxexesou Iesua la mulai avile mukamulinu vimou Saimoni. Mukamulinu xo xe muxalisou la muvikalanu lexe, “Ai, nexi texalisou Mesaia mukalu!” Uala Mesaia ne laxu lexe Anu e Mosinge musosovosou lexe Kalaisiti.

Tioni 12:46

Eni ene'e no lialia 'o xo eni a so lamanasi'a tatemanu. Mo so ta'ei mukalusi ilopala noxilo la ixolu no isivoxola uasi.

Tioni 3:34

Xo anu ane Mosinge mupalusou mune'e ne la ulalanu vaikalaou Mosingesi. Ulalanu vaikalaousi axone xo Mosinge mupilixinu Ulenu noxou la utukalanu uasi, mu­lolutuxusi.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Ta'aposeli 26:18

Apalusine nalai noxi'a so nalemolu vaikalaxeli manina mo so ie'i uka mo ixiunu tumali'a no anu isivoxo xe ine'e no anu lamana. Laso axone la xavi noxou Uluaou ne ukamakulune'i uasi, ane'i ivula mo ixolu no anu xavi noxou Mosinge. Mo tina'u so susu noxi'a uiasi la ane'i ixali tamitemaxeli u'isalili. Ane'i oli'a tamitema mukalusi ane ilopala noxilo.'”

Ta'aposeli 4:26

La takingi so lialia opone'i ututulu vilesisi. Xe taluluai ipita no anu mi anesi so ixililiieni Tatananexi mo so ixililiou Itema ane nesosovosou tatei.'

Ta'aposeli 4:27

Mosixe, manina misevile, ane'i Eloti ilou Ponitiasi Pailati oli'a Ta'isilaeli xe tamitema so tuatuala noale'ale, ane'i mipita no tuala 'o so milalaxinu opone'i. Milalaxinu opone'i so imasuanu itema so xaixai noxine malemalenga nesosovosou e Iesua no anu vote'i axova.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.