Luku 4:17 - Ata New Testament

¹⁷ La ane'i milosou lavuku noxou polopeti Aisaia. Xe anu muxavulalanu mo muxalisou pa'usou ane uvikala aloxo 'o,

Luku 4:17 ပူးပေါင်းရင်းမြစ်များ

Luku 16:29

Ia Apala'amu mukolinu lexe, 'Vaika­lai'a Mosisi oli'a tapolopeti a uai noxi'a. Vaikala anenesi so tavivine ilomuxu.'

Luku 20:42

Xo no anu Lexelexe la Teviti mukaukavunu vaikala aloxo 'o, 'Tatananenge muvikalanu Tatanaleli lexe, “Nini natalupexa no avolo tema.

Luku 4:16

Xe mune'e la Iesua mulai ne Nasaleti. Anu tuala e anu muxolu no anu mi ne molomoloxu mo mauluxu no anu. Muxali ne la anu mumulinu ilixou e mulavusou u'oxonu no anu Voxo so Ma'ila xo mu'unalai no tasou lavuloto mo mutulu so u'itisou Mosinge vaikalaou pa'usou vile.

Luku 4:18

“Ulenu Tatananenge mune'e mo a uxoxolu noxilo 'o. Xo anu munixi'u ueli no kisilo so musosovosilo so ane'enu vaikalaou noxi'a ta'oloxola. Mo mupalusilo ene'e so apala'anixu vote'i noxi'a takalavusu so ila ixolu lalavulusi. Xe noxi'a tamitema ie'i selevenu la apela'a lexe isaxila axova. Xe noxi'a tamitema ane itavulenu tu'umaxu no avo'a se'i la alosi'a xoluxolu manamana'usi.

Luku 4:20

Mu'itisou pa'usou anene noxi'a mukalu la mutatusou lavuku. Mutatusou ka mulosou itema so usaxila'u lavulavuku io anu mulai mutalupexala. Mutalupexa la ane'i mukalusi no tasou lavuloto mipitanu ie'iou Iesuasi.

Ta'aposeli 13:15

Ane'i tatiatila no anu tasou lavuloto ne mi'itisou pa'usou no anu lo e Mosisi mukau­kavunu tatei xe vaikalai'a tapolo­peti. Mukalu la mitali'isi'a ilou lexe, “Tavivixe, loxo ngilou pelo­toto vile so ngapilixinu noxi'a tamotu 'o, la ngalemolusi.”

Ta'aposeli 13:27

Xo Taielusalemo oli'a tatiatilasi'a, ane'i ilamana uasi noxou Iesua lexe anu itema e tapolopeti milemolu. Ia no voxo loxo mivau la ane'i me'a mixalixu nene'axu vaikalai'a tapolopeti e ane'i utotomu i'itisou no anu Voxovoxo so Ma'ila.

Ta'aposeli 7:42

Mi'oxo axone laso Mosinge muxiunu tumalou noxi'a mo mu'italone'i so i'itinu momosi'a kalavoi. Mi'itinu momosi'a kalavoi loxo aso xe so'io xe tataoto. Anene polopetiou Mosinge vile mulemolu tatei lexe, 'Ngingi Ta'isilaeli to ne, tau ie 40 ngexolu no xale lia esi'esi la ngenava? Ngeve'a tamisoposi mo ngene'enu mimi noxilo so nge'itinu ualasilo? Ne? Uasi manina!