Luku 4:16 - Ata New Testament

¹⁶ Xe mune'e la Iesua mulai ne Nasaleti. Anu tuala e anu muxolu no anu mi ne molomoloxu mo mauluxu no anu. Muxali ne la anu mumulinu ilixou e mulavusou u'oxonu no anu Voxo so Ma'ila xo mu'unalai no tasou lavuloto mo mutulu so u'itisou Mosinge vaikalaou pa'usou vile.

Luku 4:16 ပူးပေါင်းရင်းမြစ်များ

Matiu 2:23

Ane'i milai no xale lia ne la mixolu no tuala ilemolu lexe Nasaleti. Mixolu ne laso muxalixu nene'axu vaikalaou Tata­na­nenge ane polopeti vile mukaukavunu tatei lexe, “Ane'i imoxo'u lexe itema so Nasaleti.”

Luku 2:39

Ioxe, Iosepu olie Malia mimu­linu mimi mukalusi aloxo lo muvikalasou xe mukalui la milivu milai no xale lia ne Xalili mo mixali avile no tualasi'a ne Nasaleti.

Luku 2:42

Xe Iesua tau iexu 12 mukalu laso anu kalumo oli'a milai ne Ielusalemo so imulinu ilixo noxi'a mo isosovosou voxo tatila ne.

Luku 2:51

Ioxe, laso anu oli'a milivu no tualasi'a ne Nasaleti la utotomu anu mumulinu vaikalai'a. Ia nenu mimolou taneou vaikalou ne.

Luku 4:15

Muxolu la musoko'u so uvotovoto no tatasou lavuloto noxi'a. Xe tamitema milomusou la ane'i latala mivikala laixesou.

Luku 4:17

La ane'i milosou lavuku noxou polopeti Aisaia. Xe anu muxavulalanu mo muxalisou pa'usou ane uvikala aloxo 'o,

Luku 4:21

La anu mu'avuti muvikalane'i aloxo 'o, “Vaikala so lavukuou Mosinge ane ngexolu ngelomusou ne, nene'axu a muxali vaimomo 'oe.”

Luku 4:23

La anu muvikalane'i aloxo 'o, “Ngingi masi ngavikalaleli no anu vaikala ane tamitema ilavusou ilemolu lexe, 'Tokota, nini mene napaipouneni. Nexi telomu lexe nini ne'oxonu mimi iouiou ne Kapeniamu, laso na'oxo axone kalumo no anu nunisine 'o.'”

Tioni 18:20

La Iesua mukolinu aloxo 'o, “Vaikala ma'ia elemolu la no tani keakeasi. Utotomu eni evotovoto no tanitanixu e Taiuta ilavusou ine'e ipipita no anu loxo no tatasou lavuloto xe no anu tasou Mosingesi. Atalume no mailu'a kaio alemolu vaikala vile uasisi.

Ta'aposeli 17:2

Poluena mixali la anu mumulinu ilixo aloxo mu'oxonu no tuatuala. Anu mu'unalai no tasou lavuloto no anu Voxo so Ma'ila. Xe viki vilela, no anu Voxo so Ma'ila, la anu mu'una'unalai. Mu'oxo axone alaxu tatalu. Mo anu oli'a tamitema ne mivivikala, la anu mupala­palasinoxu laxulaxu Mosinge vaikalaou noxi'a.