Luku 3:3 - Ata New Testament

³ Laso Tioni mulai no xale tuatuala muxolu no pa'upa'umolu lexa Tiotani. La mulanu vaikala noxi'a tamitema lexe ixiunu opone'i mo i'isalilinoxu no anu Mosinge vaikalaou. Mo i'oxonu ilixo so kelele so imaxa'u lexe Mosinge muiasou susu noxi'a.

Luku 3:3 ပူးပေါင်းရင်းမြစ်များ

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Luku 1:16

La anu itema ne ulivunixi'a tamitema Ta'isilaeli tavu'alo ilai noxou Tatananenge anu Mosi'a.

Luku 1:77

Xe anu uili'i la upela'axu tamitemaou vote'i so pamauli mo so ilavu lexe tina'uxa'a so susu ukalu axova.

Luku 4:1

Ioxe, Ulenu Laixe mupamupa­muxanu Iesua la mulutu no lexa Tiotani so ulivu. La Ulenu mulaixu so muxixao no xale lia esi'esi.

Tioni 1:28

Mimi ano'o muxali no tuala ne Vetani e uxolu xalevile no lexa Tiotani no tanixu e Tioni mulavusou u'oxonu ilixo so kelele.

Tioni 3:26

Mipe­lesou ana­xa'a laso tatisai­peliou Tioni milai mivikalanu Tioni lexe, “Tisao, itema e muxolu noxine xalevile no lexa Tiotani olele, mosou e nelanu vaikalasou so napala'anixu, anu to a u'oxonu ilixo so kelele noxi'a tamitema. La ane'i latala e latala a ilalai noxousi.”

Ta'aposeli 13:24

Ioxe, no voxo loxo Iesua upala'a uao, la Tioni muvotovoto tei noxi'a Ta'isilaeli. Muvotovoto lexe ixiunu opone'i mo i'isalilinoxu so susu noxi'a xe i'oxonu ilixo so lexa.

Ta'aposeli 19:4

La Polu muvikala lexe, “Tatei la Tioni mu'oxonu ilixo so lexa noxi'a tamitema ane mixiunu opone'i so susu noxi'a mo mi'isalilinoxu noxou Mosinge. Mo muvikalane'i lexe ane'i ilopala noxou itema ane uili'i noxou. Itema e Tioni mulemolu ne, anu Iesuasi.”

Ta'aposeli 22:16

Laso nini naxo­maiou mi ma'ia? Natulu mo so a'oxonu ilixo so kelele noxine. Xe nini, la navikala noxou Tata­nanenge so anu uiasou susu noxine.'”