Luku 3:22 - Ata New Testament

²² Xe Ulenu Laixe mulu'e noxou la loxo ngiala e utu. Mulu'e la muai noxou. Mukalu la xoli vile molu no loxotolo mo muvikala aloxo 'o, “Nini alixeli asexelaxene ane. Eni a'osasine misevile.”

Luku 3:22 ပူးပေါင်းရင်းမြစ်များ

Matiu 12:18

“Ngamalei, ano'o itema so xaixai noxilo e eni melo eilounu. Eni asexelaxu misevile mo taleli u'osasou manina. Eni apilixinu Uleleli noxou mo so anu ulanu vaikala so ilixo ulapu noxi'a tamitema noale'ale.

Matiu 17:5

La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Matiu 27:43

Xo mulopala noxou Mosinge la mu'oxo lexe anu Mosinge Olu. Ioxe loxo Mosinge u'osasou la upamaulinu ane.

Matiu 3:13

Ioxe, no voxo anene la Iesua mulutu ne Xalili mo mulai no lexa Tiotani la muxali noxou Tioni. Xo anu mumasaxau so Tioni u'oxonu iloxo so ukelenixu no lexa.

Matiu 3:16

Ioxe, mukelenixu mukalu xe Iesua mulivu muxali no lexa pa'umolu sila loxotolo mua'a la mumaisou Ulenu Laixe noxou Mosinge mulu'e. Anu mulu'e la loxo ngiala e utu la muai noxou.

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Maki 1:11

Mukalu la xolinu vile mulu'e no loxotolo lexe, “Nini na'alixeli ne asexela­xene. Eni a'osasine misevile.”

Maki 1:9

Ioxe no voxo anene la Iesua molu ne Nasaleti no xale lia ne Xalili la muxali. Muxali la Tioni mu'oxonu ilixo so kelele noxou no lexa Tiotani.

Maki 9:7

Ane'i mixoxolu la sauma vile mupa mo musuasi'a. Musuasi'a la milomusou xoli vile molu no sauma lexe, “Ano'o alixeli eni asexelaxu misevile. Ngingi ngalo­muxu.”

Luku 2:14

“Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Luku 4:21

La anu mu'avuti muvikalane'i aloxo 'o, “Vaikala so lavukuou Mosinge ane ngexolu ngelomusou ne, nene'axu a muxali vaimomo 'oe.”

Tioni 1:32

La Tioni mulanu vaikala so upala'anixu aloxo 'ola, “Eni emai­sou Ulenu Laixe molu no loxotolo mulu'e loxo ngiala utu. Mulu'e la muai noxou.

Tioni 12:28

O Papa, na'itinu ualasine so u'uli'ulisi.” Muvikala axone mukalu sila xoli vile molu no tualasou Mosinge mulu'e lexe, “A eni e'itinu ualasilo u'uli'uli mukalu mo a'itinu axonesila.”

Tioni 5:37

La Maminge e mupalusilo ne, anu molu mulanu vaikala so upala'a­nixilo. Ia ngingi, la ngalomusou xolinu sevile uasi mo ngamaisou iou lexe axova uasisi.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

Kolosi 1:13

Xo tei la nenge texolu no anu xavinu isivoxosi. Ia anu mu'umenenge ka muvulanenge so taxolu no anu laili noxou Olu e usexelaxu so molu u'uli laxunenge.

1 Pita 2:4

Ngingi ngane'ene'e noxou Tata­nanenge xo anu loxo lavo'o ane umamauli. Lavo'o umamauli ne tamitema mimatapianu ia Mosinge muilounu mo musaxisou lexe lailaixe manina.