Luku 22:52 - Ata New Testament

⁵² Mukalu la Iesua muvikalane'i tatiatila noxi'a tapilisiti xe tatiatila noxi'a tamitema so latolo no anu tasou Mosinge xe tatiatila noxi'a Taiuta e mine'e so mitelisou ne. Muvikalane'i lexe, “Ngingi ngeno'u laviso so oto ilou kulukulue nge­ne'ene'e aloxo 'o so lexe ngate­telisou itema lasikeli vile?

Luku 22:52 ပူးပေါင်းရင်းမြစ်များ

Matiu 26:47

Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua.

Matiu 26:55

Xe mukalu la Iesua muvika­lane'i tamitema latala ne lexe, “Eni lasikeli so ngeno'u laviso so oto ilou kulue mo so ngatetelisilo aloxo 'o? Xo voxo utotomu eni exolu no taingengi mo evoto­ngengi no tasou Mosinge. Exolu ne ia ngatete­lisilo uasi xo ma'i?

Luku 22:37

Xo no anu lavukuou Mosinge la vaikala vile mukaukavu no anu aloxo 'o, 'Ane'i tamitema isaxisou lexe anu vile noxi'a tamitema tamasua.' La avikalangengi lexe tamitema i'oxo axone noxilo xo vaikala ma'ia ulemolu silo la uxalixu nene'axu ane.”

Luku 22:4

Laso anu mulai muvivikala noxi'a tatiatila noxi'a tapilisiti oli'a tatiatila noxi'a tamitema so latolo no tasou Mosinge. Oli'a mivi­vikala so ikamulinu vote'i lexe anu upilixinu Iesua no avo'a axova.

Luku 22:51

Ia Iesua muvikala lexe, “Ngatalo! Mukalu!” Ka mumulaxu avolu no sangalou itema ne sila muxali laixenula.

Luku 22:53

Xo no voxo­voxo loxo exolu no tasou Mosinge la axova so ngapitanu avonge so ngatetelisilo ua? Ia mi vile uasi, xo xavi no anu isivoxo uxoxolu noxinge laso anu voxo­singe se 'osi.”

Tioni 17:12

Xo loxo exolu noxi'a 'o la elaxa'ine'i no anu xavinu ualasine e nepilixinu lexe ualasilo 'o. Eni e'oxo latolosi'a la vile noxi'a umamulo uasi, ia vilesisi e so mamulosi xo no anu ane la vaikala e uxolu no lavukumeni uxalixu nene'axu.

Ta'aposeli 5:26

Muvika­lane'i axone mukalu la tiatila so latolo oli'a tavoiou milaii'a ta'aposeli so ine'ene'i. Mine'ene'i se'isisi mo vasime'a mulu'e xo mi'ume xo loxo 'o io tamitema latala ive'a no anu lavo'o. Mi'ume xo milavu lexe tamitema latala mi'osasi'a ta'aposeli mo loxo tamitema so latolo ne i'oxonu mi vile noxi'a, la tamitema la'iaxa'a.