Luku 22:41 - Ata New Testament

⁴¹ Xe anu muxexesi'a va'axu sevile aloxo talea lavo'o ulai utalo no anu. La muxolasou tava'u mo muvikala noxou Mosinge aloxo 'o,

Luku 22:41 ပူးပေါင်းရင်းမြစ်များ

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Maki 14:35

Anu muvikalane'i mukalu xe mulai sevile la mulapau muai no lia. Muai no lia la mulinga noxou Mosinge lexe loxo vote'i vile la tu'umaxu anene uxexesou.

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Luku 18:13

Ia itema ane so utaxusou taxisi ne mutulu va'axu sevile. Anu utala utelai uasi mutulu mutangatulusi. La mu'otonu lutunu so umaxa'u mama'u mo muvikala lexe, 'Uo Mosilo, eni amitema so susu a. Nini naiaiama noxilo mo nalosilo lakolisou susu uasi.'”

Ta'aposeli 20:36

Polu muvikala axone mukalu la anu oli'a mitangatulu so mivikala noxou Mosinge.

Ta'aposeli 21:5

Ia voxo e tesosovosou lexe talai a muxalii la te'umesi'a telaisi. Telai la talopala oli'a tasemasemai'a xe ta'ili'a misaxanexi telai. Telai xe texali no luaki la nexi mukalusi texola'u tava'ixe mo tetangatulu no tasii so tevikala noxou Mosinge.

Ta'aposeli 7:60

La anu muxo­lasou tava'u mo muvikala tatila lexe, “Tatanaleli, nakolinu susu ane i'oxonu noxilo 'o uasi.” Muvi­kala axone mukalu la musoli.

Ta'aposeli 9:40

Mitatama mitatama xo la Pita mupalusi'a milai noale. Ia anu muxolasou tava'u mo muvikala noxou Mosinge. Muvi­kala noxou Mosinge xe iou mukaie Tavita la muvikala lexe, “Tavita, natulu.” Sila alaxu vilesisi iei muka. Iei muka xe mimaisou Pita la ane mitulu mitalupexa.

Ipilu 5:7

Ioxe, no voxo loxo Iesua muxolu no anu vasimolu so lialia 'o la anu mulinga mo mukatu noxou Mosinge. La no voxo ne mutama mole iou lexaxu mula. Mukatu axone xo mulavu lexe loxo usoli la Mosingesi umo­momo so u'umenu upamaulinu no anu soli. Xe Mosinge mumaisou lexe mulu'enu mo mumama'u noxou axone laso mukolinu katu noxou.