Luku 21:8 - Ata New Testament

⁸ La Iesua mukoline'i lexe, “Ngalaxa'i laixe, xo loxo 'o io tamitema ikalavoingengi ane. Tamitema tavu'alo ine'ene'e xe ilemolu ualasilo mo ivikala lexe, 'Eni amitema ane melo noxou Mosinge a.' Mo ivikala lexe, 'Voxo a mune'e alai mukalu.' Ia ngalomu­xa'a so ngamuline'i to uasi.

Luku 21:8 ပူးပေါင်းရင်းမြစ်များ

Matiu 24:11

Xe tapolopeti kalaka­lavoi tavu'alo i'avuti so i'oxo loloxa'a tamitema latala.

Matiu 3:2

La anu muvivikala lexe, “Ngaxiunu opon­gengi so susu noxinge mo nga'isa­lilinoxu no anu Mosinge oponu. Xo voxo so Mosinge molu u'uli laxune'i tamitemaou no tualasou a alaimanasi.”

Matiu 4:17

Ioxe, no voxo anene la Iesua musoko'u so uvotovotone'i tami­tema la muvikala aloxo 'o, “Ngingi ngaxiunu mo nga'isalilinoxu opo­nge­ngi so susu noxinge xo voxo so Mosinge molu u'uli laxune'i tamitemaou no tualasou a mune'e alai mukalu 'oe.”

Luku 17:23

La ane'i se'i masi ivikalangengi lexe, 'Ngamalei olele. E uasi, ngamalei 'o.' Ia ngalomuxa'a so ngaxexe o so ngamuline'i uasi.

Luku 21:7

Xe mukalu la ane'i mivikalanu lexe, “Tisa, napala'anixu noxixe lexe voxosou mi e nelemolu a talu? Axova, sosovo vile tei mo so nexi talavu lexe nene'axu mi ne a so uxali?”

Luku 21:9

Mo ili'i loxo ngalomusou a'alo so oto tatila xe tu'utu'umaxu la ngakuluke mo na'olo'olo no anu uasi. Mimi anene so uxali tei, ia kaluxusou voxo a uao.

Tioni 5:43

Eni ene'e no anu ualasou Mamilo io ngingi nga'osa so nga'unaleli noxinge uasi. Ia loxo itema vile une'e no anu ualasoumo la ngingi nga'unanu kenasi.

Tioni 8:24

Laso maixene evikalangengi lexe ngingi ngaxo­xolu no anu susu noxinge nesi xo mole uxali avile no anu soli noxinge ne. Xo loxo ngalopala uasi lexe eni Melo Axoxolumo la ngingi ngaxoxolu no anu susu noxinge kaio ngasolisi.”

Tioni 8:28

Laso Iesua muvikalane'i lexe, “Ili'i loxo nga'itinu teitexi Itema ane molu noxou Mosinge la upalasi noxinge lexe eni Melo Axoxolumo. Mo ngalavu lexe eni a'oxonu mi vile no anu masaxa na'a xelimo uasi, ia mimi alemolu 'o Maminge molu mupela'iloxusi.

1 Kolini 6:9

Xo ngalavu uasi? Ane'i tamitema ane nuni'a no iou Mosinge la ane'i ixolu uasi no voxo so anu molu u'uli laxune'i tamitemaou. Ngaka­lavoingengi uasi. Tamitema ne opone'i ututuluou ilixo aloxo 'o. Ane'i ane i'oxonu ilixo nuni'u xe i'itinu mosi'a kalavoi xe ixolaxola'u taula'i xe tamulu i'oxonu ilixo nuni'u ngato'o.

Epesusi 5:6

Laso ngalaxa'i laixe xo masi tamitema se'i ivikala aloxo 'o, “Ai nenge tamulinu masaxa noxingesi xo Mosinge la'iaxuinge uasi.” Vaikala axone kalavoisi, xo la'ia noxou Mosinge utuvu noxi'a tamitema ane ilomuanu vaikalaou.

2 Tesalonaika 2:3

Mamu so ngapele masaxa noxou itema vile so ukalavoingengi. Xo ngalomu, voxo olele uxali vitanisi uasi. Taimu so tamitema ipupuiou vaikalaou Mosinge uxali xe mosou xilili upala'a teio. Anene uxalisou mamulo ili'i.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

1 Tioni 4:1

Tamaula, tamitema masi ine'e mo ivikala lexe, “Eni eno'u vaikala ano'o noxou Ulenu a.” Ia ngalopala noxi'a avile uasi, ngatilovosou vaikalai'a lexe molu noxou Ulenu Mosinge o uasi. Xo tamitema so pela'a kalavoi to a ixixaoxao no xale tuatuala mukalusi.

2 Tioni 1:7

Ngalomu, tamitema so i'oxo lolo tavu'alo to a ixixaoxao no xale tuatuala mukalusi. Xo Iesua Kalaisiti mune'e no lialia no anu vasimolu ia tamitema ane xo ne vaikalai'a upala'anixu mi ne uasi. Itema axone anu itema so u'oxo lolo xe anu xililiou Kalaisiti ane.

Mupala'a 1:3

Laso ena'ei u'itisou o ulomusou vaikala so pela'a 'o mo ulomuxu, la uxalisou osa no anu xoluxoluxu xo voxosou nene'axu a so uxali.

Mupala'a 12:9

Laso mikusaou mi loxo sineke tatila ne. Anu ane talemolu lexe Uluaou. Anu muxolu tatei mune'e avile vaimomo 'o xe anu mosou so u'oxo loloxa'a tatemanu lialia mukalusi. Miku­saou no tualasou Mosinge la oli'a ta'angelou.