Luku 21:34 - Ata New Testament

³⁴ Laso ngalaxa'i laixe. Xo loxo 'o io ngavaxa ngane'e so ngaie no anu leilei mo ngasipakisi xe opongengi uauavuti so mimi so vasimenge. Loxo mimi axone utetelisingesi xe voxo olele uxali la alaxu vilesisi ukulukengengi ane. Ukulu­ke­ngengi aloxo tami­soposi ikuluke mi ne tamitema ipiliune'i no anu kae.

Luku 21:34 ပူးပေါင်းရင်းမြစ်များ

Matiu 13:22

Xe se'i la ilomusou votovoto kalumo. Ia anu loxo uiti ngiaxu ane mulapau no taitainu lamota ana'anaxu. Xo tamitema ne opone'i ututulu no anu xoluxolu so vasime'a. Mo anu masaxa so lamoli ne u'oxo loloxa'a laso utanuxu vaikala aloxo lamota ana'anaxu mukuponu uiti xolanu mole unene'a uasi.

Maki 13:9

Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Maki 4:19

Xo tamitema ne opone'i ututulu no anu xoluxolu so vasime'a. Mo ane'i ixavutala no anu lamolisi xe masamasaxa so mimi iouiou. Xavutala na'a no anu mimi axone ukuponu votovoto loxo lamota ana'anaxu mukuponu uiti xolanu, laso unene'a uasi.

Luku 10:41

Ia Tatananenge mukoline lexe, “Malita, uo Malita, nini nauali mo oponeni uauavutiou mimi tavu'alo moe!

Luku 12:40

Laso ngingi kalumo ngalalaxi xo Itema ane molu noxou Mosinge une'e no anu voxo mo aso iou ane ngalavusou uasi.”

Luku 17:3

Ngalaxa'i laixe. Loxo vivine ususu la navikala pakia'u so nalovonixu ilixo noxou. Xe loxo uxiunu oponu mo u'isalilinoxu la oponeni ulu'e so susu noxou.

Luku 21:35

Voxo anene uxali noxi'a tatemanu lialia mukalusi.

Luku 21:8

La Iesua mukoline'i lexe, “Ngalaxa'i laixe, xo loxo 'o io tamitema ikalavoingengi ane. Tamitema tavu'alo ine'ene'e xe ilemolu ualasilo mo ivikala lexe, 'Eni amitema ane melo noxou Mosinge a.' Mo ivikala lexe, 'Voxo a mune'e alai mukalu.' Ia ngalomu­xa'a so ngamuline'i to uasi.

Luku 8:14

Xe se'i la ilomusou votovoto kalumo ia anu loxo uiti ngiaxu ane mulapau no taitainu lamota ana'anaxu. Xo tamitema ane xo ne iuali no anu xoluxolu so vasime'a mo opone'i ututuluou lamoli xe vote'i so imomoxu masamasaxa no anu vasime'a. I'oxo axone laso maixene vaikala uleme no opone'i ka unene'a uasisi.

1 Kolini 5:11

Ekaukavu mulai noxinge ne so evikalasi'a ane'i ane ngamoxo'a lexe tavivinge no anu lopala ia loxo opone'i ututuluou ilixo aloxo 'o. Opone'i ututulou ilixo nuni'u o isu'isu o so i'itinu momosi'a kalavoi o isu'asu'anu anaxa'a o utotomu isipaki o ipakali. Tamitema axone la mamu so ngoli'a ngapitapita o so ngaxolu nga'ani uasi.

1 Kolini 6:10

Xe ane'i ane opone'i ututulu no anu pakali xe isuisu xe isipaki utotomu xe isu'asu'anu anaxa'a xe ane'i ane i'oxo loloxa'a tamitema no anu lamoli. Tamitema anene ixolu uasi manina no voxo so Mosinge molu u'uli laxune'i tamitemaou.

Xalesia 5:20

Xe i'itinu momosi'a kalavoi mo i'oxonu ta'uluxu masua. Xe ixali tauluai'a ngato'o xo tu'utu'umaxu mo isuisu uxolu no taine'i ka la'ia noxi'a xalo u'elasi. Laso ipelepe­lesou anaxa'a xe kalikalipala uxali no taine'i mole ikalitotone'i avile.

Pilipai 4:6

Opongengi uuali uasi, no anu mi ma'ia la ngapili­xinu noxou Mosingesi. Ngavikala noxou mo ngavikala laixe so ngalingau su'uli no anu ngiou aneva.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

2 Pita 3:10

Ia voxo noxou Tatananenge uxali alaxu vilesisi aloxo itema so pakali uxali ukulukene'i tamitema. La voxo ne luluxu toxoxu ka loxotolo umamulosi xe aso mo so'io mo tataoto xe lialia ilou mimi no anu u'ela mole kavukunoxusi.

2 Pita 3:14

Tavivilo ane asexelangenge, ngingi a ngaxomaiou voxo ne laso ngaxolu tangengi malemalenga mo tu'umaxu vile no taingengi uasi. Mo so axone loxo Tatananenge uxali la umaisou susu vile noxinge uasi.

Mupala'a 3:3

Xe vaikala laixe nge'osasou mo ngelomuxu mala'o la tangengioula. Ngaxiunu opongengi so susu noxinge mo nga'isalilinoxu no anu vaikala anenela. Xo loxo ngatulu no anu ai ne uasi la eni ane'e akulukengengi a loxo itema so pakali. La ngala­vusou voxosilo uasi ane, axali noxingesi.