Luku 2:51 - Ata New Testament

⁵¹ Ioxe, laso anu oli'a milivu no tualasi'a ne Nasaleti la utotomu anu mumulinu vaikalai'a. Ia nenu mimolou taneou vaikalou ne.

Luku 2:51 ပူးပေါင်းရင်းမြစ်များ

Matiu 12:46

La Iesua a uvikalane'i tami­tema latala axonesio. Sila nenu oli'a tavimou a mine'e mitulu noale xo imasaxa ivikala noxou.

Matiu 3:15

Ia Iesua mukolinu lexe, “Uasi, ta'oxonu loxo elemolu. Ta'oxonu axone so tamulinu mimi mukalusi no anu masaxa noxou Mosinge.” Laso Tioni mumulinu vaikalaou.

Maki 1:9

Ioxe no voxo anene la Iesua molu ne Nasaleti no xale lia ne Xalili la muxali. Muxali la Tioni mu'oxonu ilixo so kelele noxou no lexa Tiotani.

Maki 6:3

Ano'o ne telavusou. Anu kapenitasi to! Anu Malia ilie. Nenge telavusi'a tavimovimou e Tiemisi xe Iosepu xe Iutasi xe Saimoni. Xe tavimo­vimou tasema a nenge'a taxolu 'osi.” Ane'i mivikala axone la opone'i masuaou.

Luku 18:37

La ane'i mivikalanu lexe, “A Iesua so Nasaleti a unene'e 'o.”

Luku 2:19

Ia noxie Malia la mikasou vaikala ne no opone mo mimolo taneousi.

Luku 2:39

Ioxe, Iosepu olie Malia mimu­linu mimi mukalusi aloxo lo muvikalasou xe mukalui la milivu milai no xale lia ne Xalili mo mixali avile no tualasi'a ne Nasaleti.

Luku 4:16

Xe mune'e la Iesua mulai ne Nasaleti. Anu tuala e anu muxolu no anu mi ne molomoloxu mo mauluxu no anu. Muxali ne la anu mumulinu ilixou e mulavusou u'oxonu no anu Voxo so Ma'ila xo mu'unalai no tasou lavuloto mo mutulu so u'itisou Mosinge vaikalaou pa'usou vile.

Luku 4:23

La anu muvikalane'i aloxo 'o, “Ngingi masi ngavikalaleli no anu vaikala ane tamitema ilavusou ilemolu lexe, 'Tokota, nini mene napaipouneni. Nexi telomu lexe nini ne'oxonu mimi iouiou ne Kapeniamu, laso na'oxo axone kalumo no anu nunisine 'o.'”

Epesusi 5:21

Ioxe, ngingi ngataxanu Kalaisiti laso ngalu'engeni mo ngalomu­ngenge ngato'o.

1 Pita 2:21

Xo mi ane Mosinge mu'ava­lingexu ane. Anu Kalaisiti muta­vulenu navunavusinge xe mu'uli no anu vote'isinge mo so ngingi ngamulinu ngalanu tava'inge no anu xuaxua'u.