Luku 2:25 - Ata New Testament

²⁵ La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Luku 2:25 ပူးပေါင်းရင်းမြစ်များ

Maki 15:43

la Iosepu so tuala ne Alimatea mulai noxou Pailati so mutali'isouxu Iesua vasimolu. Mutali'isou lexe umomomo so uno'u vasimolu so u'asixu no voxo nesi, xo ne'iela la Voxo so Ma'ila. Iosepu ne anu vile noxi'a takaniseli noxi'a Taiuta. Anu kalumo muxomaiou voxo so Mosinge molu u'uli laxune'i tamitemaou. Mune'e so utali'isou Pailati ia oponu u'olo'olo lexe masi u'oxo axova noxou. Oponu mu'olo'olo ia mutali'isi.

Luku 1:41

Ioxe, Elisapeti milomusou aso noxie sila ilie no opone mu'avuti mu'oki. La Ulenu Laixe mupamuxane Elisapeti.

Luku 1:6

La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.

Luku 1:67

Ioxe, Mosinge Ulenu Laixe mupamuxanu Sekelaia so mule­molu vaikala so pela'a aloxo 'o,

Luku 2:38

La no voxo ne ane kalumo mine'e misaxisou keakea laso mivi­kala laixe noxou Mosinge. La mia'a'aloxu noxi'a tamitema ta'ei ane mixoxomaiou voxo so Mosinge upamauline'i tatemanu taoni ne Ielusalemo.

Luku 23:51

Xe loxo tamenexu tatiatila milalaxinu opone'i mo mi'oxonu Iesua masua la anu umuline'i no anu uasi. Anu mu­lavusou uxomaiou voxo so Mosinge molu u'uli laxune'i tamitemaou. Anu so taoni vile noxi'a Taiuta e ilemolu lexe Alimatea.

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 2:5

Ioxe, no voxo anene la Taiuta tose'i so tuatuala nopaxapaxa mine'e mo a ixolu ne Ielusalemo. Ane'i tamitema so i'itinu Mosinge ualasou mo imulimulinu lavuloto ane mulosi'a Taiuta tatei.

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

2 Pita 1:21

Xo vaikala so pela'a vile tava'u no anu masaxa noxou itemamo uasisi. Vaikala ne muxali loxo Ulenu Laixe mu'avu­tinixi'a tami­tema so milanu vaikala ane molu noxou Mosingesi.