Luku 2:16 - Ata New Testament

¹⁶ Laso ane'i milutu palea milai xo xe milavu­si'ae laso mixalisi'a Malia ilou Iosepu. Mo mimaisou keakea a muai no lusou la'ilalixa'a takau.

Luku 2:16 ပူးပေါင်းရင်းမြစ်များ

Luku 1:39

Ioxe, Malia ixolu maxuveni uasi mi'avuti milai palea no xale lia vile. Milai ne la mixali no la'ola'olu mo milai avile no tuala vile ne Iutea.

Luku 19:32

Iesua mupalusi'a xe ilou milai la mimaisou mimi muxali a loxo anu mulemolu.

Luku 2:12

La alemolu sosovo so ngatongonu aloxo 'o. Ngingi ngamaisou keakea ne misu'asou no anu lavalava mo miaisou no anu lusou la'ilalixa'a takau.”

Luku 2:15

Ioxe, ta'angelo mixexesi'a so milivu no tualasou Mosinge muka­lu la tamitema so isaxila'a tasipi­sipi mi'oxo lexe, “Ioxe, nenge tapalea talai ne Peteliemu mo tamaisou mi ma'ia muxali a loxo Tatananenge mupela'ingexu 'o.”

Luku 2:17

Ane'i mimaisou mukalu laso mipala'anixu vaikala ane angelo mulemolu so molomolo ne noxi'a.

Luku 2:7

Laso no voxo anene mivo'onu ilie anu laposa­laxu. Mivo'onu mukalu la misu'a­sou no anu lavalava mo miaisou no anu lusou la'ilalixa'a takau. Ane'i a mixolu no anu ngiou noxi'a tami­soposi axone xo tasi'a tami­tema taasila a mua'anana, mole tanixa'a nonano uasisi.

Luku 22:13

Muvikalane'i mu­kalu la ilou milai la mimaisou mimi ne muxali mu'isalili loxo Iesua mulemolu. Laso ilou milalaxinu la'ilali so lavilelu so Mualasi'a.