Luku 2:14 - Ata New Testament

¹⁴ “Ta'itinu ualasou Mosinge e uxoxolu teitexi avile. Xe noxi'a tamitema no lialia ane Mosinge u'osasi'a la ixolu lalavu­lusi.”

Luku 2:14 ပူးပေါင်းရင်းမြစ်များ

Matiu 21:9

Mukalu la tamitema se'i mi'uli noxou Iesua no vote'i xe se'i miili'i. La ane'i latala mi'ava'ava lexe, “Oponenge u'osasou Teviti ilusunu misevile mo ta'itinu ualasou. Tatananenge u'oxonu laixe noxou Itema anu molu mupalusou. Taitinu Mosinge ualasou teitexi avile.”

Luku 1:79

Uxali, laso lamanaxu uiesi'a ane'i ane ixolu no isivoxo mo no maimaixu soli. La anu molu upamuxanu tava'inge so tapolo no anu vote'i so xoluxolu lalavulusi.”

Luku 19:38

La mi'ava'ava aloxo 'o, “Oponenge u'osasou Mosinge misevile mo ta'itinu ualasou. Tatananenge u'oxonu laixe noxou kingi ane molu mupalusou 'o. Anu uxolu no anu xoluxolu lalavulusi mo iaxu no tualasou.”

Luku 2:13

Angelo ne muvikala mukalu sila alaxu vilesisi ta'angelo so tualasou Mosinge tavu'alo e tavu'alo mipa kalumo. Mipa la milexenu lexe so i'itinu Mosinge ualasou. Milexe aloxo 'o,

Luku 2:15

Ioxe, ta'angelo mixexesi'a so milivu no tualasou Mosinge muka­lu la tamitema so isaxila'a tasipi­sipi mi'oxo lexe, “Ioxe, nenge tapalea talai ne Peteliemu mo tamaisou mi ma'ia muxali a loxo Tatananenge mupela'ingexu 'o.”

Luku 3:22

Xe Ulenu Laixe mulu'e noxou la loxo ngiala e utu. Mulu'e la muai noxou. Mukalu la xoli vile molu no loxotolo mo muvikala aloxo 'o, “Nini alixeli asexelaxene ane. Eni a'osasine misevile.”

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Tioni 17:4

Nepalusilo xe exolu no lialia 'o la epala'anixu uala mu'uli'uli noxine xo emomomosou xaixai e nepi­lixinu noxilo so a'oxonu.

Tioni 3:16

Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.

Ta'aposeli 10:36

Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

Epesusi 1:9

Xo aloxo 'o. Tatei la anu umasaxa so u'oxonenge laixe. Mumasaxa axone laso anu mupa­lusou Kalaisiti mune'e noxinge. Anu mune'e laso masaxa laixe noxou singe ne a mupala'a ne.

Epesusi 2:4

Ioxe, xoluxolu noxinge axone, ia iaiama noxou Mosinge mulolutu e mulolutu. Xo anu musexela­nengesi mo sexela noxou singe mupala'a aloxo 'o.

Epesusi 2:7

Anu mu'oxo axone so no anu voxovoxo mo tautau ie ili'i la upalapa­lasinoxu iaiama noxou toxoxa'a to e mu'oxonu noxinge. Iaiama e mu'oxonu noxinge noxou Kalaisiti Iesuasi.

Pilipai 2:11

Mo vaikala lexe Iesua Kalaisiti anu Tatananu mimi mukalusi ula no anaxa'a tami ne mukalusi. La no anu vote'i anene la ualasou Mosinge utilasi.

Pilipai 2:13

Xo anu ane so uxaxai nonano noxinge, a Mosingesi. Anu a uxaxai so u'avutinoxu osa no opongengi so ngamulinu masaxa noxou u'isalili ka ulosinge xavi so nga'oxonu.

Kolosi 1:20

Xe Mosinge mulalaxinu vote'i e noxou Olu so ulivunoxu mimi so lialia xe so tualasou noxou. Laso Olu mulili no ovu valautu xe sialuxu munixi mo so ukalusou kalipala xe u'oxonu vote'i so mimi mukalusi ulivu noxou Mosinge.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

Mupala'a 5:13

Mo kalumo elomusi'a tamimi mukalusi ane Mosinge mukoinu mipitanu anaxa'a. Tamimi e no tualasou Mosinge xe no lialia xe no laxu lialia xe no luaki. Mipitanu anaxa'a la mivikala aloxo 'o, “Anu ane utalupexa no anu sia kingi ilou Sipisipi Ilie a. Ta'osa'ilasi'a misevile mo tavika­lasou ili'ilixo noxi'a laixe mo ta'itinu ualasi'a xo ane'i ixolu i'uli laxunenge ulai ulai kaluxu uasi.”