Luku 2:11 - Ata New Testament

¹¹ Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.

Luku 2:11 ပူးပေါင်းရင်းမြစ်များ

Matiu 1:16

La Iakovo muxalixu Iosepu e Malia mulue. Ioxe, Malia ne mivo'onu ilie Iesua. Iesua ne tamitema ilemolu lexe Kalaisiti xo anu Itema so pamauli e Mosinge musoso­vosou.

Matiu 1:21

La ane ivo'onu ilie mulu la nini namoxo'u lexe Iesua, xo anu ane so upamauline'i tamitemaou no anu susu noxi'a.”

Matiu 16:16

La Pita mukolinu lexe, “Nini ane so Kalaisiti a. Nini nami­tema e Mosinge ane umamauli musoso­vosou.”

Matiu 16:20

Mukalu la Iesua mu'apixa'a tatisaipeli pakia'u lexe mamu so ipala'anixu noxi'a tamitema lexe anu ane so Kalaisiti.

Luku 1:43

Ia tava'u axova so nini Tatananenge nenu nene'e noxilo aloxo 'o? Anu mi lailaixe manina.

Luku 1:69

No anu laili noxou itemaou Teviti anu mutulusou itema xavinu so upa­mau­linenge.

Luku 2:26

Mo Ulenu Laixe mupela'u lexe usoli tei uasi, uxolu xo mo umaisou itema e Tatananenge musosovosou so Kalaisiti uxalio.

Luku 2:4

Ioxe, Iosepu kalumo mulutu so ulivu no tualasou. Anu ilusunu Teviti xo anu so laili noxou u'isalili laso mulutu no tuala Nasaleti ne Xalili e muxolu no anu ne. Mulutu la mulai no tualasou ane Peteliemu ne Iutea xo anene tuala noxou Teviti.

Tioni 1:41

Ioxe, Anitilu ne loxo muxexesou Iesua la mulai avile mukamulinu vimou Saimoni. Mukamulinu xo xe muxalisou la muvikalanu lexe, “Ai, nexi texalisou Mesaia mukalu!” Uala Mesaia ne laxu lexe Anu e Mosinge musosovosou lexe Kalaisiti.

Tioni 1:45

Ioxe, Pilipi mu'avuti mulai xe loxo muxalisou menexu e Natanieli la muvikalanu lexe, “Ai, nexi texalisou itema e Mosisi mulemolu no anu lavuku so lo xe tapolopeti mikaukavusou tatei. Anu Iesua so tuala Nasaleti e Iosepu olu.”

Tioni 11:27

Sila Malita mikolinu lexe, “Ani Tatanaleli, eni opoleli mulopala lexe nini ane so Kalaisiti ane. Mo elavu lexe nini Mosinge Olu e nene'e no lialia 'o.”

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 4:25

Mukalu la sema ne mivikala noxou lexe, “Eni elavu lexe Mesaia e ilemolu lexe Kalaisiti a une'e. Laso loxo anu ne une'e la upela'ingexu mimi mukalusi.”

Tioni 4:42

La mivivikala noxie sema olele lexe, “A tava'u so talopala aloxo xo no anu vaikalamenila uasi. Nexi mexe telomusou vaikalaousi laso telavu lexe anu ano'osi a Itema so pamaulisi'a tatemanu lialia.”

Tioni 6:69

Xe nexi telopala mo texalisou lavulavu mukalu lexe nini ninisisi ane malemalenga mene noxou Mosingesi.”

Tioni 7:41

Xe leviani la mi'oxo lexe, “Anu ano'o ane so Kalaisiti.” Ia levianila la mi'oxo lexe, “Xo axova, loxo anu ane so Kalaisiti uxali la umomomo so anu Xalili vile aloxo anu ano'o? Uasi manina.

Ta'aposeli 10:36

Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Ta'aposeli 13:23

La Polu musolonu vaikalaou aloxo 'ola, “No anu laili noxou Teviti ne la Mosinge muxalixu itema vile mune'e noxi'a Ta'isilaeli. Itema ne anu Itema so Pamauli Iesua e Mosinge muvavalimasou tatei.

Ta'aposeli 17:3

Mupalapala­sinoxu lexe anu ane so Kalaisiti la vote'i vilela uasi, vote'i so upamau­linenge vilesisi ane so mutavulenu navunavu mo musoli xe mutulu no anu soli. La Polu muvikala lexe, “Iesua ane eni avotongengixu 'o, anu ane so Kalaisitisi.”

Ta'aposeli 2:36

Pita muvulunu vaika­laou Teviti ne mukalu la muvikala aloxo 'ola, “Ngingi Ta'isilaeli mukalusi ngalamana lexe Iesua e ngelilinu no ovu valautu ne, Mosinge musosovosou lexe anu Kalaisiti mo anu Tatananenge.”

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

1 Kolini 15:47

Itema ane tei ne anu so lialia xo Mosinge muxalixu no anu lialiasi. Ia anu itema tameisou anu molu no tualasou Mosingesi.

Pilipai 2:11

Mo vaikala lexe Iesua Kalaisiti anu Tatananu mimi mukalusi ula no anaxa'a tami ne mukalusi. La no anu vote'i anene la ualasou Mosinge utilasi.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

Kolosi 2:6

Ioxe, ngingi opongengi mukasou Kalaisiti Iesua lexe anu Tata­nanenge, laso ngamuamua'i no anu masaxa noxoumo.

1 Tioni 4:14

Xe mi ane tesaxisou la tapala'anixu lamana aloxo 'o. Maminge no tualasou mupalusou Olu mune'e no lialia so uxali Itema so Pamauli si'a tatemanu.

1 Tioni 5:1

Ioxe, tamitema ane ilopala lexe Iesua anu ane Mosinge musoso­vosou lexe Kalaisiti, la ane'i Mosinge ta'olu ane. Xe aloxo 'o, loxo evile usexelaxu itema vile la anu usexelaxa'a ta'olu kalumo.