Luku 19:8 - Ata New Testament

⁸ Ane'i Sakiusiena mixoxolu no tasou xo xe mu'avuti muvikalanu Tatananenge lexe, “Tilao nalomu. Masi eni akalipalanu mimixeli mukalusi uxali pa'usou tamei mo so apilixinu vile noxi'a ta'oloxola. Xe loxo e'oxo loloxa'a tamitema ta'ei so exalisou mi vile noxi'a la akolinu no anu tamitami'a.”

Luku 19:8 ပူးပေါင်းရင်းမြစ်များ

Luku 11:41

Vote'isinge aloxo 'o. Temanu kapu xe lapelete noxinge ne ngapixivane'i ta'oloxola, laso ane, mimi ne uxali malemalenga so nga'ani no anu.

Luku 12:33

Laso ngasalimunu mimimengi xe lamolisou la ngaiti'a tamitema ta'oloxola. Xe ngaxalixu mengi ulu'ulu so lamoli ane umomomo so mamuxanu uasi. Ngataxusou mimi lailaixe noxinge ane tasiauxu uasi no tualasou Mosinge. Anene, talasikeli vote'isou ipakalinu uasi xe tamimi ixotosou uasi.

Luku 16:9

Mo manina, lamoli so lialia anu loxo nuni'u ia laixe loxo ngapamuxanu so uxalixu vote'i so tamitema i'osa­singe. Mo so axone loxo ili'i voxo so lamoli ukalui la tamitema ngelapune'i ne i'avalinge nga'una­lai no anu tatani ane uxolu kaluxu uasi.

Luku 19:7

Ia ane'i latala mimaisou axone la opone'i tu'umaxu mo minuminuxu lexe, “Ai anu a ulai so uxolu no tasou itema ane so ilixo masumasua to ne!”

Luku 7:13

Tatananenge mumaisie sema ne la tanuxe misevile la muvikalane lexe, “Natama uasi.”

Luku 7:19

Laso Tioni mu'avali'a tamei noxi'a mo mupalusi'a ilai noxou Tatananenge so utalai'isou aloxo 'o, “Nini itema Mosinge muvavalimasou e texoxomaiou o tautitiou evilela masi a uaosio?”