Luku 19:13 - Ata New Testament

¹³ Ioxe, anu so ulutu la mu'avali'a tauokuvoiou 10 la mulosi'a 20 kina vilevilesi. Mo muvikalane'i lexe, “Ngingi ngaxa­xaisou lamoli ano'o so ngaxalixu nene'axu xo mo eni alivu axali noxinge 'o.”

Luku 19:13 ပူးပေါင်းရင်းမြစ်များ

Matiu 25:16

Xe no anu voxo se anenesi la anu ane muno'u 5,000 kina ne musoko'u so uxaxaisou. Muxaxaisou xo la muxalisou 5,000 no latanula.

Matiu 25:20

La anu e muno'u 5,000 kina mune'enu ilou 5,000 ane no latanu. Mune'enu la muvikala lexe, 'Tatila, namaisou. Nelosilo 5,000 kina xe exaxaisou la exalixu 5,000 no latanu a.'

Matiu 25:22

La anu axone kalumo noxou anu e muno'u 2,000 kina. Xo mune'e muvikala lexe, 'Tatila namalei, nini nelosilo 2,000 kina xe exaxaisou la exalixu 2,000 no latanu a.'

Matiu 25:24

Ia noxou anu e muno'u 1,000 kina la mune'e muvikala lexe, 'Tila, eni alavusine lexe nini itema so loxo tamitema isusunixine la nalosi'a ialuxu. Nini nalavusou namolo xai temanu ane natounu uasi xe na'elesou uiti ngiaxu ane natapu'u uasi.

Luku 19:12

La muvikala aloxo 'o, “Tatila vile umasaxau so ulai no xale lia nopaxa so isosovosou mo utulu ukingi. Xe ukalui laso anu ulivu no nunisou so u'uli laxune'i tatemanu.

Luku 19:14

Mukalu la anu mulutu mulai ia tatemanu tualasou mimatapianu tila ne. Laso ane'i mipalusi'a se'i noxi'a so ilai no anu tuala ane ulai no anu. Milai ne so ivikala lamana lexe ane'i imasaxau itema ne utulu ukingi noxi'a to uasi.

Tioni 12:26

Loxo itema ena'ei so u'oxonu xaixai noxilo la anu masi umulilelisi, mo so loxo eni axolu ne'ei la itema so xaixai noxilo ne uxolu kalumo. Mo loxo itema so u'oxonu xaixai noxilo la Maminge u'itinu itema ne ualasouxu.”

Xalesia 1:10

Xo axova, nga'oxo lexe alemolu vaikala ano'o so tamitema i'osasilo o so Mosinge u'osasilo? Eni sasaieli so axilisine'i tamitema, ne? Uasi to, xo loxo eni opoleli ututulu lexe tamitema i'osasilosi, la vote'i so axolu amitema so xaixai noxou Kalaisiti uasisi.

Tiemisi 1:1

Eni Tiemisi a, eni amitema so xaixai noxou Mosinge xe noxou Tatananenge Iesua Kalaisiti. Eni akaukavunu lapasi ano'o so ulai noxinge ngingi so laili 12 noxi'a Ta'isilaeli e ngepaxepaxele mo a ngatalupexa no anu xale tuatuala mose'i. Avikala aso noxinge.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.