Luku 18:9 - Ata New Testament

⁹ Iesua mu'oxonu latilovo vile so upela'a tamitema ane'i ane ikalavoi lexe ane'i talapusi ia tamenexi'a uasi. Muvikala aloxo 'o,

Luku 18:9 ပူးပေါင်းရင်းမြစ်များ

Luku 10:29

Ia itema so lavulavu no anu lo umasaxau so umaxa'u lexe ilixo noxou ulapusi. Laso mutali'isou Iesua lexe, “Ia menexilo e lo ulemolu ne, ena'ei manina?”

Luku 15:2

La Tapalisi oli'a tamitema so lavulavu no anu lavuloto opone'i tu'umaxu mo mimunumunuxu lexe, “Itema ano'o uvaitami noxi'a tamitema so ili'ilixo masumasua mo oli'a ipita i'ani'ani to!”

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Luku 18:11

La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Luku 19:7

Ia ane'i latala mimaisou axone la opone'i tu'umaxu mo minuminuxu lexe, “Ai anu a ulai so uxolu no tasou itema ane so ilixo masumasua to ne!”

Luku 7:39

Mi'oxo axone xe Palisi e mu'avalou Iesua mune'e ne mumaisie la muxavutala no oponu lexe, “Uo, loxo anu polopeti manina la anu ulavusie sema e ikasou 'o lexe ane sema so sususi ane.”

Tioni 8:48

La ane'i Taiuta mikolinu Iesua lexe, “Nexi te'oxo lexe nini so Samalia xe angelo masua uxolu noxine ne. La no anu anene telemolu manina, ne?”

Tioni 9:28

Xe ane'i Tapalisi mipupuiou mo mi'oxo lexe, “A ninisisi natisai­peliou ane, ia nexi 'o ne tatisaipeliou Mosisi a.

Tioni 9:34

Ioxe, ane'i Tapalisi milomusou vaikalaou axone sila mivikalanu lexe, “Loxova, nini nexoxolu no anu susu mi ne nevo'o mo mune'e avile vaimomo 'o, ia ne'oxo lexe napela'ixe 'o, ne?” La ane'i miku­saousi.

Ta'aposeli 22:21

Evikala noxou Tatananenge aloxo ne, ia anu muvikalaleli aloxo 'o, 'Uasi, nini nalai. Eni apalusine so nalai noxi'a tami­tema noale'ale.'”

Lomu 10:3

Ane'i ilamana avile no anu ilixo male­malenga noxou Mosinge uasi. Mo ilamana no anu vote'i so ixali tamalemalenga no iou uasi laso ane'i me'a itovonu no anu xavi noxi'asi. Me'a itovonu no anu xavi noxi'asi, laso maixene ipilixine'i noxou Mosingesi so uxalixi'a tamalemalenga uasi.

Lomu 14:10

Ioxe, laso axova so ngingi se'i ngatilovosi'a tavivinge xe ngingi se'i ngavikalasi'a tavivinge masua? Xo ngalavu uasi lexe nenge mukalusi tatulu no laxunu Mosinge so utilovosinge?

Lomu 14:3

Laso ngingi ane nga'ani'ani no anu mimi mukalusi la mamu so ngavikala masua noxi'a ane'i ane i'ou misoposi uasi. Xe ngingi ane nga'ou uasi la mamu so ngavikala masua noxi'a ane'i ane i'ou. Xo ngingi mukalusi ne Mosinge u'osasingesi.

Lomu 7:9

Mo tei loxo alavusou lo ne uasi la exolu loxo amaulisi. Ia mune'e xe eno'u lavulavu no anu lo ne la ekuluke xo susu mupala'a avile mo elavu lexe eni asoli ane.