Luku 18:7 - Ata New Testament

⁷ Loxo tamitema ane Mosinge musosovosi'a lexe tanoxou itatama noxou aso olovoxo utotomu so uutululune'i, la axova? Ulomuxa'a mo ukolinu tama noxi'a palea uasi?

Luku 18:7 ပူးပေါင်းရင်းမြစ်များ

Matiu 24:22

Xe loxo Tatana­nenge uxotonu voxosou tu'utu'u­maxu anene uasi la itema vile umauli uasi. Ia anu uxavutalane'i tamitema ane musososvosi'a luma­mo lexe tanoxou. Uxavutalane'i laso uxotonu voxo anene.

Matiu 24:24

Xo tamitema se'i ixali la ikalavoi lexe ane'i Kalaisiti xe se'i lexe ane'i tapolopeti. La ane'i ixalixu sosovo so xavi iouiou mo i'oxonu mimi ane tamitema tane'ilili no anu. Xo ane'i imasaxau ilapune'i mo ixovulaulaunixi'a tamitema, mole loxo vote'i la i'oxonu kalumo noxi'a ane'i ane Mosinge musoso­vosi'a lexe tanoxou.

Matiu 7:11

Ioxe, ngingi tamitema so susu 'o, ngaxavutalane'i ta'ilinga so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a mimi lailaixe so xoluxoluxa'a ane'i ane itatali'i noxou.

Luku 11:13

Ioxe, ngingi tamitema so susu 'o tangengixa'a ta'ilinge so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a Ulenu Laixe noxi'a ane'i ane itatali'i noxou.”

Luku 2:37

Mukalu la anu musoli ia ane mixolusi xo mo tau iexe muxali 84 'o. La Ana ne mixoxolu no tasou Mosinge, ilai noalela uasi. Mixolu opone mutuluou mimi noxou Mosingesi la utotomu i'apixe no anu la'ilali mo mivivikala noxou Mosinge.

Luku 21:28

Laso ane, loxo ngamaisou mimi anene usoko'u so uxali la ngatulu ngalapu mo kisinge uasaxa xo voxo so Mosinge u'umengengi a so uxali ne.

Lomu 8:33

Anu Mosinge molu musoso­vosinge lexe nenge tanoxou. Laso ena'ei utulusinge no anu vaikala? E uasi, xo Mosinge molu mumo­xo'inge lexe nenge tamalemalenga ane.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

1 Tesalonaika 3:10

La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu.

2 Tesalonaika 1:6

Mo ilixo noxou Mosinge ulapu aloxo 'o. Tamitema ane a ilolo­singe tu'umaxu ne anu ukoline'i kalumo no anu tu'umaxu.

1 Timoti 5:5

Loxo sema vile mulue musoli xe ta'ilie so isu'uline uasi la ane ixoxolu ilopala noxou Mosingesi. Ilopala, la ivikala mo ilingau su'ulisie noxou Mosinge kakau olovoxo.

2 Timoti 1:3

Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

Taitusi 1:1

Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

1 Pita 1:1

Eni Pita a. Eni aposeliou Iesua Kalaisiti. Akaukavunu lapasi 'o ulai noxinge tamitemaou Mosinge e ngepaxelele ka ngaxolu loxo taasila no anu polovinisi ne Ponitusi xe Xalesia xe Kapatosia xe Esia xe Vitinia.

2 Pita 3:9

Tava'u ma'ia so Tatananenge uxalixu nene'axu vavalima noxou ne uao? Xo anu uvovoxo vitanisi aloxo tamitema se'i ilemolu 'o? Uasi to, anu uxomaiengi se'isisi xo masaxa noxou lexe vile noxinge umamulo uasi. Oponu lexe ngingi mukalusi ngaxiunu opongengi so susu noxinge mo nga'isalilinoxu noxou.

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 6:10

Mixolu la mikatu tatila aloxo 'o, “Tatananexi. Nini na'uli'uli no anu mimi mukalusi. Mo ilixomeni malemalenga mo maninasi. Xe nexi 'o tatemanu lialia mivexe mo sialunexe munixi. Laso nakolinu sialunexe a talu?”

Mupala'a 7:15

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a.