Luku 18:23 - Ata New Testament

²³ Itema ne mulomusou Iesua vaikalaou la oponu tu'umaxu xo anu mimiou tavu'alo mo oponu no anu anenesi.

Luku 18:23 ပူးပေါင်းရင်းမြစ်များ

Matiu 19:22

Xe maulu ne mulomusou vaikala axone la oponu mutatama xe mulutu mulaisi xo anu itema so muxolu no mimi latanusi.

Maki 10:22

Itema ne mulomusou Iesua vaikalaou la iou lusi'u mo oponu tu'umaxu. Oponu tu'umaxu xo anu mimiou tavu'alo mo oponu no anu anenesi. Laso muxexesou Iesua mulai.

Luku 12:15

La Iesua muvikalane'i tamitema ne aloxo 'o, “Ngalaxa'i laixe so ngamaxalexu isu'isu iouiou. Xo itema vile masi mimiou ulolotusi ia maulixu temanu uxali no anu anene uasi.”

Luku 18:22

Iesua mulomusou vaikalaou ne la muvikalanu lexe, “Mi vile na'oxonu uao. Nalai nasalimunu mimimeni mukalusi xe lamolisou, la naitii'a tamitema ane lamolixa'a uasi. Laso axone la naxalisou mimi lailaixe no tualasou Mosinge. Naitii'a ukalu la nane'e namulileli.”

Luku 18:24

Xe Iesua iou mumulinu tatila ne la muvikala lexe, “Ai ialuxu manina noxi'a tamitema mimii'a tavu'alo. Ialuxu so i'una ixolu no voxo so Mosinge molu u'uli laxune'i tami­temaou.

Luku 19:8

Ane'i Sakiusiena mixoxolu no tasou xo xe mu'avuti muvikalanu Tatananenge lexe, “Tilao nalomu. Masi eni akalipalanu mimixeli mukalusi uxali pa'usou tamei mo so apilixinu vile noxi'a ta'oloxola. Xe loxo e'oxo loloxa'a tamitema ta'ei so exalisou mi vile noxi'a la akolinu no anu tamitami'a.”

Luku 21:34

Laso ngalaxa'i laixe. Xo loxo 'o io ngavaxa ngane'e so ngaie no anu leilei mo ngasipakisi xe opongengi uauavuti so mimi so vasimenge. Loxo mimi axone utetelisingesi xe voxo olele uxali la alaxu vilesisi ukulukengengi ane. Ukulu­ke­ngengi aloxo tami­soposi ikuluke mi ne tamitema ipiliune'i no anu kae.

Luku 8:14

Xe se'i la ilomusou votovoto kalumo ia anu loxo uiti ngiaxu ane mulapau no taitainu lamota ana'anaxu. Xo tamitema ane xo ne iuali no anu xoluxolu so vasime'a mo opone'i ututuluou lamoli xe vote'i so imomoxu masamasaxa no anu vasime'a. I'oxo axone laso maixene vaikala uleme no opone'i ka unene'a uasisi.

Epesusi 5:5

Xo ili'i no voxo loxo Mosinge molu u'uli laxune'i tamitemaou la nenge taxalisou mimi lailaixe. Ia ngalavu manina lexe itema ane uisuisu mo ulailai vitanisi mo u'oxonu ilixo nuni'u, la uxolu so uxalisou mimi lailaixe ne uasi. Xo itema so isuisu axone la anu u'itinu ili'iloxo noxou lexe mosou a. Anu iou vilesisi loxo itema ane u'itinu ualasou mosou kalavoi.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

Kolosi 3:5

Laso ngavau masamasaxa no anu vasimenge so lialia usoli. Mimi loxo ilaixu vasime'a vitanisi xe ili'ilixo nuni'u xe opone'i u'ela xe opone'i usoliou susu xe isu'isu. Xo no anu isu'isu ne, oponenge ututuluou mi vile xo mole uxali loxo mosinge kalavoi.

1 Tioni 2:15

Mamu so opongengi usexelaxu lialia ano'o ilou misomisou. Xo loxo itema oponu usexelaxu misomisou lialia la sexelasou Maminge uxolu noxou uasi ane.