Luku 18:19 - Ata New Testament

¹⁹ La Iesua muko­linu lexe, “Loxova so nelemelo lexe eni a laixe a? Mosinge anusisi laixe.

Luku 18:19 ပူးပေါင်းရင်းမြစ်များ

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Luku 11:13

Ioxe, ngingi tamitema so susu 'o tangengixa'a ta'ilinge so nga'itixa'a mimi lailaixe, laso axova noxou Maminge uxolu no tualasou lailaixe? Anu u'osa manina so ulosi'a Ulenu Laixe noxi'a ane'i ane itatali'i noxou.”

Luku 18:18

La tatila vile mune'e mutali'isou Iesua aloxo 'o, “Tisa laixeo, eni a'oxonu mi ma'i so axalisou mauli kaluxu uasi?”

Luku 18:20

Nini nalavusou lo noxou Mosinge aloxo 'o. Mamu so nalailai noxi'a tasema vitanisi, xe mamu so navau itema usoli xe mamu so napakali xe mamu so nakalavoi no anu lakoti, xe nataxane'i mamine olie nenine.”

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

Ipilu 7:26

Laso ane, Iesua anu laixe umomomo so anu uxolu no anu tanixu pilisiti tatila na'a nenge. Xo anu malemalenga mo ulapu no iou Mosinge. Mi vile nuni'u noxou uasi, uxolu ukalipala avile noxi'a tamitema so susu mo a uxolu teitexi no tualasou Mosinge.

Tiemisi 1:17

Mimi lailaixe mukalusi ane taxalisou ne molu no tualasou Mosingesi. Maminge e mosou mimi ane uka no loxotolo molu upilipilixinu nene'axu alauna mulomotele noxinge. La mimi no loxotolo loxo uiesou lialia la uxiuxunu xalexalexu, ia noxou Mosinge la ilixo noxou uxiuxiu axone uasisi.