Luku 18:14 - Ata New Testament

¹⁴ La Iesua muvikala lexe, “Itema ane so utaxusou taxisi mulivu no tani. Mo eni avikalangengi lexe no voxo anene la anu muxali itema mulapu no iou Mosinge. Ia Palisi ne uasi manina. Xo aloxo 'o, itema ena'ei molu u'itinu, la Mosinge ulu'enu ane. Xe itema ena'ei anu molu ulu'enu, la Mosinge u'itinusi.”

Luku 18:14 ပူးပေါင်းရင်းမြစ်များ

Matiu 23:12

Xo loxo itema molu u'itinu la anu ualasou ulu'e ane. Xe loxo itema molu ulu'enu la anu ualasou utelai.”

Matiu 5:3

“Laixe noxi'a ane'i ane ilavu lexe no anu xoluxoluxu ulene'i la ane'i ta'olo­xolasi. Xo voxo so Mosinge molu u'uli laxune'i tamitemaou no tualasou la ane'i ixolu nonano ne.

Luku 1:52

Tatiatila ane mitulu no anu tanixa'a teitexi so mikingi la mulu'ene'i. Ia tamitema vitanisi la mu'itine'i mo mutulusi'a no anu tanitanixa'a laixe.

Luku 10:29

Ia itema so lavulavu no anu lo umasaxau so umaxa'u lexe ilixo noxou ulapusi. Laso mutali'isou Iesua lexe, “Ia menexilo e lo ulemolu ne, ena'ei manina?”

Luku 14:11

Itema loxo molu u'itinu la anu ulu'e ane. Ia itema loxo molu ulu'enu la uxolu u'uli ane.”

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Lomu 3:20

Itema vile umomomo so umulinu lo so uxali malemalenga no iou Mosinge uasi. Mulosinge so anene uasi. Mulo­singe so talamana no anu susu noxinge.

Lomu 4:5

Ia vote'i so itema uxali malemalenga no iou Mosinge anu mi so xaixai axone uasi. Vote'i ne aloxo 'o. Itema ne uxali lamana no anu susu noxou xe ulopala no anu xaixai noxou uasi, upilixinu noxou Mosingesi.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.

Lomu 8:33

Anu Mosinge molu musoso­vosinge lexe nenge tanoxou. Laso ena'ei utulusinge no anu vaikala? E uasi, xo Mosinge molu mumo­xo'inge lexe nenge tamalemalenga ane.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

Tiemisi 4:10

Ngalu'engengi no iou Tatana­nenge laso anu molu u'itingengi.

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”