Luku 18:11 - Ata New Testament

¹¹ La anu Palisi ne mutulu mo muvikala lexe, 'Mosilo, eni avikala laixe noxine xo eni loxo tamitema se'i uasi. Eni loxo tamitema ane ipakali o i'oxo ilixo masumasua o ilailai noxi'a tasema vitanisi uasi. Mo eni loxo itema so utaxusou taxisi e utulu olele uasi.

Luku 18:11 ပူးပေါင်းရင်းမြစ်များ

Matiu 10:3

Mo Pilipi xe Patolomiu xe Tomasi xe Matiu e itema so utaxusou taxisi xe Tiemisi e Alipiusi olu xe Tatiusi.

Matiu 5:20

Xo tamitema so lavulavu no anu lo oli'a Tapalisi i'oxo lexe ane'i tamitema talapusi. Ia avikala­ngengi aloxo 'o. Loxo ngingi ngaxali talapu manina so uua'ulixa'a avile uasi, la umomomo uasi manina so nga'una ngaxolu no voxo so Mosinge molu u'uli laxune'i tamitemaou no tualasou.

Matiu 6:5

La Iesua musolonu lexe, “Loxo ngavikala noxou Mosinge la nga'oxo loxo tamitema so kalavoi i'oxonu to uasi. Xo ane'i i'osa so itulu ivikala noxou Mosinge no tatasou lavuloto xe no anu kona so votevote'i no taoni. I'oxo axone so tamitema latala ipitanu ie'ii'a. La avikalangengi manina lexe tami­tema ane xo ne mino'u lapei'a se anesi, ixalisou mi vilela uasi.

Maki 11:25

Xe ngingi vilevilesi, loxo so navikala noxou Mosinge xe oponeni tu'umaxu so menexine vile la naxiunu oponeni so ulu'e noxou. Xo Mosinge anu Maminge a uxoxolu no tualasou mo anu kalumo uiasou susu noxinge.

Luku 20:47

Mo loxo sema vile mulue usoli la i'oxo loloxe so isalimunu tasie, ia lamolisou la ane'i me'a ino'u. Mo itoxa'a no anu lakilaka so ivikala veveni musuku. Tamitema axone, no voxo loxo Mosinge utilovo mo ukolinu ili'ilixo la itavulenu tu'umaxusou ilixo noxi'a u'oki avile.”

Luku 22:41

Xe anu muxexesi'a va'axu sevile aloxo talea lavo'o ulai utalo no anu. La muxolasou tava'u mo muvikala noxou Mosinge aloxo 'o,

Xalesia 3:10

Ia tamitema ta'ei opone'i u'oxoxu lo so imulimulinu la ixoxolu no laxu vaikala so mamulosi ane. Xo loxo Mosinge vaikalaou mulemolu lexe, “Loxo itema umomomoxu lavuloto mukalusi ane uxolu no anu lavuku so lo uasi, la vaikala so mamulo u'isalili noxousi.”

Pilipai 3:6

Eni xavileliou avile mole ekakamulinu vote'i so elosi'a tatemanu pitapita tu'umaxu. Mo loxo no ie'i tami­tema ane i'oxo lexe vote'i so taxali talapu a no anu lo, la eni mi vile so ito'omeloxu uasisi.

Mupala'a 3:17

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.