24 Xo ngelavu, lele'e lamixu upisikei no loxotolo ulutu no apu vile so ulai no apu vile. La anu Itema ane molu noxou Mosinge upala'a axone no anu voxosou loxo uxali.
Xo ngelavu, lele'e lamixu ukelele no loxotolo ulutu no isiti ka upisikei uxali avile no anu uesiti. La Itema ane molu noxou Mosinge upala'a axone no anu voxosou loxo uxali.
Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.
Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou.
La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.”
Mo aloxo 'ola. Loxo itema ulexexu lalamo la anu usu'asou no anu ti'a uasi. Anu umulaxu no tanixu lalamo u'isalili so tatemanu tani mukalusi ie'i lamana no anu.
Anu molu utetelisinge pakia'u umomomo no anu kaluxusou voxosinge. Xo no anu voxo so lailivu noxou la itema vile umomomo so uto'omenge uasi. Ngingi ngaxolu tamalemalenga noxou ane.
Masi no anu vaikala so pela'a o no anu votovoto o lapasi vile ikalavoi lexe noxilo la vaikala muxali noxinge lexe voxo noxou Tatananenge muxali mukalu. Tapela'inge lexe loxo vaikala axone muxali la opongengi u'avuti mo usasalo uasi.
Mosou xilili ne upala'a avile. Ioxe, anu uxoxolu xo mole Tatananenge Iesua uvau no anu tauxu. Tatananenge uvau mo ukalusou avile no anu voxo so ulivu mo upala'a.
Ia voxo noxou Tatananenge uxali alaxu vilesisi aloxo itema so pakali uxali ukulukene'i tamitema. La voxo ne luluxu toxoxu ka loxotolo umamulosi xe aso mo so'io mo tataoto xe lialia ilou mimi no anu u'ela mole kavukunoxusi.