Luku 17:1 - Ata New Testament

¹ La Iesua muvikalane'i tatisai­peliou lexe, “Anu manina so mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone.

Luku 17:1 ပူးပေါင်းရင်းမြစ်များ

Matiu 16:23

La Iesua muxiu mo mulavixu Pita lexe, “Nini Uluaou a navikala ne. Na'apixo uasi, nalai no tumalilo. Oponeni ulovou Mosinge oponu uasi, nini a namulinu masamasaxa noxi'a tamitemasi ane.”

Matiu 18:7

Anu masua manina noxi'a laili so lialia 'o xo ane'i ixalixu mimi ane so u'oxone'i tamenexi'a itulaki ka ilapau no anu susu. Laso noxinge, la anu manina lexe mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone.

Luku 16:31

Ia Apala'amu mukolinu aloxo 'o, 'Uasi manina. Loxo ane'i ilomuxu vaikalai'a Mosisi oli'a tapolopeti uasi, la umomomo so ilomuxu itema loxo umaulila uasi kalumo.'”

Lomu 14:13

Laso avikala lamana aloxo 'o. Nenge tapilixinu ilixo so tatilo­vosinge ngato'o. Nenge tamulinu xavutala ane vile aloxo 'o. Nenge ta'oxonu mi vile so tavivinge itulaki no anu uasi. Latilovo ne laxu aloxo 'o. Loxo ane'i i'oxo lexe mi vile masua, la nenge ta'oxonu no ie'i uasi. Xo nenge masi tasoune'i so i'una no anu mi e ilemolu lexe masua ne.

Lomu 16:17

Ioxe tavivilo eni apelototosinge aloxo 'o. Ngingi masi ngalaxa'i laixe noxi'a tamitema se'i no taingengi. Xo ane'i masi ixalixu vaikala ane uxililiou votovoto loxo ngelomusou. I'oxo axone la masi tu'umaxu uxali la pita noxinge umamulo. Laso ngamaloxo'u vaikalai'asi.

1 Kolini 10:32

Mo aloxo 'o kalumo. Tange­ngingenge ngato'o. Ngingi Taiuta xe Takiliki xe tatemanu pita noxou Mosinge mukalusi ne, nga'oxonu ilixo ane so uxalixu tu'umaxu no opongengi ngato'o uasi.

1 Kolini 11:19

Ngakalipala se axone la no anu vote'i anene masi upala'a lamana lexe Mosinge u'osasi'a ta'ei no taingengi.

1 Kolini 8:13

Mi ne telexu aloxo 'o. Loxo la'ilalixo ma'ia ulapunu vivilo vile no anu susu la umomomo uasi manina. Axone la eni a'apixo no anu misoposi avile umomomo no anu kaluxusou lialia 'o.

1 Timoti 4:1

Ioxe, Ulenu Laixe muvikala lamana lexe no anu voxovoxo unene'e la se'i ixiunu tumali'aou vaikala manina e talopalanu. Xo ane'i ilomuxu mo imulinu vaikala so kalavoi noxi'a ta'angelo tama­sua.

Mupala'a 2:14

Ia mimi se'i a'osasingexu uasi aloxo 'o. No taingengi ne tami­tema se'i imulinu ili'ilixou Valamu. Xo tatei la anu mupa­muxanu Valaki so mu'unanu tanu noxi'a Ta'isilaeli la mi'ou misoposi ane tamitema milo­­sou mosi'a kalavoi mo milailai noxi'a tasema vitanisi.

Mupala'a 2:20

Ia mi vile a'osasingexu uasi aloxo 'o. Sema e Ieseveli ixolu no taingengi mo ikalavoi lexe ane sema so pela'a. Ane i'unanu tane noxi'a tamitema so xaixai noxilo mo ilapune'i no anu susu so ilailai noxi'a tasema vitanisi mo i'ou misoposi ane tamitema milosi'a momosi'a kalavoi. I'oxo axone ia iengi si'isou ilixo noxie mo nga'apixe no anu to uasi.