Luku 16:2 - Ata New Testament

² Laso itema so lamoli mu'avalou vosivoiou mune'e la muvikalanu lexe, 'Axova no anu vaikala so ilixomeni elomusou 'o? Nakaukavunu lipoti no anu mimixeli mukalusi ane nexaxaisou xo nini so naxolu vosivoila uasi.'

Luku 16:2 ပူးပေါင်းရင်းမြစ်များ

Matiu 12:36

Ia eni avikalangengi lexe vai­kala vuluvulusi kitukitu se ma'ia ngale­molu la Mosinge utali'isinge no anu mo utulu­singexu no voxo so lakoti olele.

Matiu 20:8

Mune'e xe aso a so u'unae la mosou xai muvikalanu vosivoi lexe, 'Na'avali'a tauokuvoi ine'e so nalotone'i. Nasoko'u noxi'a ane'i ane miili'i ulai uxali avile noxi'a ane'i ane mi'una tei.'

Luku 12:20

Ia Mosinge muvikala lexe, 'Uo nini naxovulaulausi ane. Eni esosovo­sou lexe masi no olovoxo la nasoli. Xe loxo nasoli la ena'ei so uno'u mimi tapiena anu nelalaxinu to ne?'”

Luku 12:42

La Tatananenge muvikala lexe, “Xo itema tila utulusi'a tauokuvoi kaini axova no taine'i tamenexi'a so isaxila'a mo ivelunu xa'a la'ilali no anu voxosou u'isalili? Anu utulusi'a ane'i ane ulopalane'i lexe i'oxonu xaixai noxou laixe mo lavulavui'a.

Luku 16:1

Ioxe, mune'e la Iesua mu'oxonu latilovo noxi'a tatisaipeliou aloxo 'o, “Itema vile so lamoli muxoxolu la tamitema se'i mine'e mia'aloxu vosivoiou noxou. Mi'oxo lexe, 'Ai, vosivoimeni ne mupapunu lamoli noxine vitanisi a.'

Luku 16:3

Sila vosivoi molu muvikala no oponu lexe, 'Iu tatilasilo a so ukusailo no anu vosivoi 'oe, laso eni anava io? Xo eni xavileli so xaixai loxo a'asi'asi so amamu­lonu liasou xai to uasi. Mo amaila so axixao alingalingau lamoli noxi'a tamitema.

Lomu 14:12

Mo no voxo anene nenge mukalusi tatulu no laxunu Mosinge. La nenge tavikala lamana noxou no anu mi ma'ia te'oxonu o telemolu o texavutalanu.

1 Kolini 1:11

Xo tavivilo no anu laili noxie Koloe mia'aloxeli lexe ngingi mose'i ngakusuku­suinge ngato'o.

1 Kolini 4:2

Xe Tatana­nenge mulopalanexi so tavu'ulinu vaikalaou axone laso anu mi mutiatila so ta'oxonu no anu masaxa noxou. Mamu so ta'oxo papanu.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

2 Kolini 5:10

Xo ili'i la Kalaisiti utalupexa xe nenge vilevilesi tatulu no iou so utilovosou ilixomenge te'oxonu loxo texoxolu no anu vasimenge 'osio. Utilovosinge no anu ilixomenge ma'ia laixe xe masua so ulosinge lakolisou u'isalilisi.

1 Timoti 4:14

Xe loxo nini Timoti, Ulenu molu mulosine lavulavu so xaixai noxine ne laso kalakalaxene uasi. Mulosine mala'o loxo milemolu vaikala so pela'a so xoluxolu noxine mo tamitema so saxila'u mimulaxu avo'a no kisine.

1 Timoti 5:24

Alemolu mi vile aloxo 'o. Susu noxi'a tamitema se'i mulamanasi mo ta'oxo lexe ili'i itavulenu tu'umuxusou. Ia noxi'a se'i la susu noxi'a mutalume. Laso ili'i la takuluke xo susu upala'a no anu lakoti noxou Mosinge mo ane'i kalumo itavulenu tu'umaxusou.

1 Pita 4:10

Mosinge mu'o­xonu laixe so mu'itimengi ngingi vilevilesi lavulavu no anu xaixai iouiou. Ngingi ngexalisou nene'axu iaiama noxou e ngiou­ngiou no anu misevile axone laso ngalaxa'inu laixe mo ngaxaxaisou so ngasu'ulingengi ngato'o.

1 Pita 4:5

Ia mi vile uasi xo ili'i ane'i itulu no iou Tiasi ane ulalaxi so utilovosi'a tamitema ane imamaulisio xe ane'i ane misoli mukalu. Itulu no iou so utatali'isi'axu ili'ilixo masua noxi'a ne.

Mupala'a 20:12

Mukalu la emaisi'a tamitema ane misoisoli mukalusi a mitulu no laxunu sia kingi. Ane'i tamitema tatiatila xe tamitema vitavitanisi a mitulu ne. La ane'i ta'angelo mixavulalanu lavulavuku ane ili'ilixone'i tami­tema muxolu mukaukavu no anu. Xe mixavulalanu lavuku so mauli kalumo. Mukalu la anu ane muta­lupexa no anu sia kingi muititi no anu lavulavuku ne so utilovosi'a tamitema no anu ili'ilixo mi ma'ia mi'oxonu.