Luku 15:7 - Ata New Testament

⁷ La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Luku 15:7 ပူးပေါင်းရင်းမြစ်များ

Matiu 18:13

Ukamulinu xo xe uxalisoui laso u'osa'ilasou misevile. La avikala­ngengi manina lexe osa noxou so muxalisou soxu ne uua'ulixu osa noxou si'a 99 ane ipolo va'axu uasi.

Matiu 3:8

Loxo ngexiunu opo­ngengi mo nge'i­slali­­noxou mani­nasou la nexi masi tamaisou nene'axu uxali no anu xoluxolu noxinge ane.

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Luku 15:29

Ia anu mukolinu momu lexe, 'Uo axova? Eni exolu tau ie tavu'alo sasaieli so e'oxonu xaixai noxine. Mo nepalusilo axova la alomuaneni sevile uasisi, elomuxenesi. Laso alaxu vile nelosilo koti olu sesi so noxi'a tamenexilo ta'ani mo ta'osa? Uasi to!

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Luku 15:6

Ulutu xo xe uxali no tani la u'avali'a tamenexu oli'a tatemanu tatani ala'alai ne ka uvikalane'i lexe, 'Ai nenge nenge'a ta'osasi xo sipisipixeli vile mulusi ia exalisou 'oe.'”

Luku 15:8

La Iesua musolonu aloxo 'ola, “Loxo sema vile lamolie siliva 10. Ia loxo vile ulusi nonano no tani la ane inava? Ane masi ilexexu lalamo mo isilapa mo ikakamuli laixe xo mo ixalisou.

Luku 16:15

Ia anu muvikalane'i lexe, “Ngingi ngale­molu vaikala so utalumeu mi ane no opongengi xo ngamasaxau lexe tamitema ikala­voi lexe ngingi talapusi, ia Mosinge ulavusou opongengi to. Mi ane tamitema i'itinu no taine'i lexe laixe manina la anu mi nuni'u manina no iou Mosinge.

Luku 5:32

Ioxe, ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'a so ixiunu opone'i mo i'isalilinoxu so susu noxi'a ne.”

Lomu 7:9

Mo tei loxo alavusou lo ne uasi la exolu loxo amaulisi. Ia mune'e xe eno'u lavulavu no anu lo ne la ekuluke xo susu mupala'a avile mo elavu lexe eni asoli ane.