Luku 15:24 - Ata New Testament

²⁴ Xo alixeli 'o musoli mukalu ia anu a mumaulila. Anu mulusi ia a muxali noxinge 'oe.' Laso ane'i misoko'u so i'ani'ani mo i'osa'osasi.

Luku 15:24 ပူးပေါင်းရင်းမြစ်များ

Epesusi 2:5

No voxo texolu no anu susu mo texolu loxo tesolisio la Mosinge mupitanenge noxou Kalaisiti so nenge'a tamauli. Mi ne no anu iaiama noxousi.

Kolosi 2:13

La tei ngexolu no anu solisi xo no anu susu ilou susu tava'u no vasimenge ane mupamu­xangengi nesio. Ia Mosinge mutulusinge ngemauli xo mupita­ngengi noxou Kalaisiti loxo mutulusou. Anu mukalusou tina'u­nenge so susu mukalusi.

Luku 19:10

Xo Itema ane molu noxou Mosinge mune'e so ukakamuline'i mo upamauline'i ane'i ane milusi.”

Epesusi 2:1

Ioxe, tatei la ngexolu nge'oxonu sususi mo ngepolo va'axu no anu masaxa noxou Mosinge. Laso ngexolu loxo ngesoli mukalu.

Luku 15:4

“Loxo vile noxinge tasipisipiou 100. Ia loxo vile noxi'a ulusi la anu unava? Anu masi upilixine'i 99 ixoxolu no anu apu so ani'anixa'a tanixu. Upili­xine'i ia anu ulai ukakamulinu soxu vilesisi olele xo mo uxalisou.

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Lomu 6:11

Xe axone kalumo la ngingi opongengi ututulu lexe ngesoli mo ngekalipala no anu susu mukalu. Ia no anu mauli noxinge, la ngingi ngaxolu noxou Kalaisiti Iesua laso opongengi vilesisi noxou Mosinge.

Lomu 8:2

Xo aloxo 'o. Tei la xavi so susu mo soli mukasinge. Ia nenge ta'ei taxolu noxou Kalaisiti Iesua la Ulenu Laixe mulosinge mauli mo mu'umenenge no anu tu'umaxu e mukasinge ne.

Lomu 12:15

Xe loxo tamitema i'osa la ngoli'a nga'osa ane. O loxo tamitema itama la ngoli'a ngatama.

Tioni 11:25

La Iesua muvikalane aloxo 'o, “Enisisi atulusi'a tamitema no anu soli mo enisisi a tava'u mauli. Itema aneva ulopala noxilo xe loxo usoli la anu umaulisi ane.

Epesusi 5:14

Lamanaxu Tatana­nenge ulapune'i laso maixene no anu Mosinge vaikalaou u'oxonu latilovo lexe, “Nini namitema ane neai nesoli, ne natulu. Natulu mo namauli, xo Kalaisiti lamanaxu utalosine.”

1 Kolini 12:26

Mo loxo vasimenge pa'usou uxamulinu navunavu la vasimenge loloni uxamulinu navunavu ne. Xe loxo tavu'ulinu pa'usou no anu la vasimenge loloni uxamuli lexe umauli laixe.

1 Timoti 5:6

Ia tasema se'i tamului'a misoisoli axone la ixavutala noxou Mosinge axone uasi. Ane'i imulinu masaxa no anu vasime'asi laso no anu xoluxoluxa'a la loxo misoli mukalu.

Lomu 11:15

Loxo ixalisou pamauli la laixe manina. Xo Mosinge mu'italone'i sevile io tamitema so xale tuatuala milivu noxou. Ia ili'i loxo u'osasi'ala, la anu iou vilesisi loxo itema ane musoli la umaulila.

Lomu 6:13

Mo mamu so nga'italonu vasimenge pa'upa'u­sou no anu susu so uxalixu ili'ilixo masua no anu. Nga'oxo axone uasi, nga'oxo aloxo 'o. Ngapilixingengi noxou Mosingesi xo anu molu mupamaulingengi no anu soli. Ngapilixingengi noxou so anu molu upamuxanu vasimenge pa'u­pa'usou so uxalixu ili'ilixo male­malenga no anu.

Tioni 5:21

Maminge anu mosou e so utulusi'a tamitema no anu soli sika ulosi'a maulisi. La anu axonesi noxou Olu xo loxo umasaxa la ulosi'a tamitema mauli kalumo.

Maki 8:22

Xe mune'e la mixali no tuala ne Vetisaita. Mixali la tamitema mine'enu itema vile iou selevenu mo milinga noxou Iesua lexe umulaxu avolu noxou itema ne.

Mupala'a 3:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Salitisi. Eni ane Mosinge Ulenu noxou 7 a uxolu noxilo mo atete­lisou tataoto 7. Akalanu vaikala ano'o ulai noxinge. Eni elavu no anu ili'ilixo ngalavusou nga'oxonu. Tamitema ilavusou ivikalasinge lexe pita noxinge ne Salitisi ne mauli no anu. Ia uasi, elavusinge lexe soli mukasingesi.

Iuti 1:12

Ngingi ngapita nga'ani so ngamaxa'u sexelasinge ngato'o ia loxo tamitema ne i'una no anu la imama'u uasi, ane'i ixalixu loxo pati mole anu mi nuni'u moe. Ane'i opone'i ututulu so ixalisou mi ma'ia imasaxausi. Ane'i loxo sauma ane sivo utavulenu vitanisi, anu uxali ia ulosinge uali uasisi. Ane'i loxo ovu ane utavulenu nene'axu no anu voxosou uasi laso mauli no anu uasisi, anu loxo usolisi. Xe loxo tamitema imaisou unene'a uasi la iluvunu usu'asi, laso ane, soli tameisou uxalisou ne.

Luku 10:19

Ngalomu, eni epilixinu xavi noxinge mukalu. Laso ngingi ngamomomo so ngataxapalisi'a tasineke tamasua xe tatanga la ivila'isinge uasi. Mo elosinge xavi so ngaua'ulixu xavi noxou Ulua­mengi la mi vile u'oxongengi masua uasi.

Matiu 8:22

Ia Iesua mukolinu lexe, “Tami­tema ane misoli mukalu la me'a i'asixa'a tamenexi'a isoisoli, ia loxo nini la namulilelisi.”

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”

Luku 15:23

Mo ngalai ngano'u kau ilie ane tongolixu laixe ka ngavau usoli. Ukalui laso ane, nenge ta'ani mo ta'osasi.

Luku 15:25

Ioxe, olu laposalaxu molu no xai mune'e. Mune'e xe muxali alai no tani la mulomu lexe tamitema a ixoxolu ilelexe mo ilelei.