Luku 15:10 - Ata New Testament

¹⁰ La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Luku 15:10 ပူးပေါင်းရင်းမြစ်များ

Matiu 10:32

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni avikala lamana no iou Mamilo ane uxolu no tualasou lexe itema anene eni na'a xelimo.

Matiu 18:10

Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Matiu 18:14

Laso anu axone kalumo noxou Maminge e uxolu no tualasou lailaixe. Xo anu oponu ututulu lexe vile noxi'a ta'aliku moso 'o imamulo uasisi.

Luku 12:8

Xe muvikala aloxo 'ola, “Eni avikalangengi lexe ena'ei uvikala lamana no ie'i tamitema lexe anu vile noxilo la eni Itema ane melo noxou Mosinge avikala lamana no ie'i ta'angelou Mosinge lexe itema anene eni na'a xelimo.

Luku 12:9

Ia loxo vile uvikala no ie'i tamitema lexe anu vile noxilo uasi la eni avikala no ie'i ta'angelou Mosinge lexe anu itemaxeli to uasi.

Luku 13:5

La uasisi, tava'u axone uasi. Ia avikalangengi lexe loxo ngingi ngaxiunu opongengi mo nga'isalilinoxu uasi, la ngingi ngamamulo axonesi.”

Luku 15:11

Ioxe, Iesua mu'oxonu latilovo aloxo 'ola, “Itema vile ta'olu tamulu tamei.

Luku 15:7

La Iesua muvikala aloxo 'ola, “Avikalangengi lexe tami­tema 99 loxo milapusi mukalu la tava'u so ixiunu opone'i mo i'isalilinoxula uasi. Laso anu laixe, ia loxo itema so ilixo masumasua soxu vilesisi uxiunu oponu mo u'isalilinoxu la osa'ilasou no tualasou Mosinge uua'ulixu ane so si'a 99 olele.”

Luku 15:9

Ixalisou mukalu laso i'avali'a tamenexie oli'a tatemanu tatani ala'alai ne ka ivikalane'i lexe, 'Ai, nenge nenge'a ta'osasi xo lamoli e mulusi exalisou 'oe.'”

Luku 7:47

Laso avikalaneni aloxo 'o. Sema ano'o susu noxie mulolutu, ia tina'uxe muiasi mukalu. Laso maixene isexelaxo tatila 'o. Ia itema ane tina'uxu so uiasi malaxo uasi, la usexelaxo malaxo to uasi.”

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 5:19

Ia no olovoxosi la angelou Tatananenge mune'e muki­sinu aitengaxu lakalavusu. Mukisinu mukalu laso mulane'i mo muvikala lexe,

2 Kolini 7:10

Xo tu'umaxu no oponu itema loxo u'avuti no anu masaxa noxou Mosingesi la anene uxalixu xiu ane. Xe ili'i la itema ne u'osasou tu'umaxu anene xo muxalixu pamauli noxousi. Ia loxo itema oponu tu'umaxuou mimi so lialia 'osi la anene uxalixu nene'axu uasi, uxalixu solisi.

Vilemoni 1:15

Xo manina, Onesimusi mu'ume muxolu va'axu noxine voxo se axo'o. Ia anu masi muxali axone mo so loxo nalivunoxu noxine la ngilou ngaxolu avilesi.

Ipilu 1:14

Xo ta'angelou ne ane'i ta'ulenu ane so i'oxonu xaixai noxousi. Anu upalupalusi'a ilailai so isu'uline'i ane'i ane so ixalisou pamauli.