Luku 14:23 - Ata New Testament

²³ La anu tilasou muvikalanu lexe, 'Nini nalai noale no anu taoni ka namulinu vote'i aiue xe votevote'i se so xai. Xe naxalisi'a tamitema se'i ne'ei la nalapune'i no anu vaikala lexe ine'e no anu lavilelu mo so tasilo 'o uana'anasi.

Luku 14:23 ပူးပေါင်းရင်းမြစ်များ

Matiu 21:43

Laso avikala­ngengixu voxo so Mosinge molu u'uli laxune'i tamitemaou aloxo 'o. Anu uxexenu no avonge so mi noxingela uasi. Mukalu la upili­xinu noxi'a tamitema laili vile ane so isaxila'u mo ixalixu nene'axu laixe no anu.

Matiu 5:41

Mo loxo itema usouneni so natavulenu mimiou umomomo no anu kilo­mita vile la nini natavulenu umomomo no anu tamei.

Luku 14:22

Ioxe, itema so xaixai mulai xo xe mulivu mune'e la muvikalanu lexe, 'Tilao, e'oxo loxo nelemolu mukalu. E'avali'a tamitema anene mo a mi'una ia tanitanixa'a tamitema se'i a uxolusio.

Luku 14:24

Ia avikalaneni manina lexe tamitema e eali'a tei ne imomomo uasi manina so ino'u la'ilali sevile noxilo 'o.'”

Luku 24:29

Ia ane'i ilou mitanuxu lexe, “Uasi, nenge'a taxolu 'o xo aso a ulu'elai, mo anu so olovoxo 'oe.” Laso anu mu'unalai so oli'a ixolu.

Ta'aposeli 16:15

Milamana axone, laso ane oli'a tatemanu tasie mixalisou ilixo so kelele. Mukalu laso Litia mivikalanexi lexe, “Loxo ngatilovosilo lexe eni elopala manina noxou Tatananenge 'o laso ngane'e ngaxolu no tani noxilo.” Mivikala axone la miuolotetesi xo mole nexi telai.

Ta'aposeli 18:6

Ia ane'i Taiuta mixililiou Polu mo mivikala masua noxou. Laso anu mu'umu'umunu kalai no lasiotiou veveni so latilovosou ilixo masua noxi'a. La anu muvikala lexe, “Mi na'a ngingisi. Loxo ngamamulo, anu tava'u noxingesi, eni uasi. Ngalomu uasi axone, laso ngingi ngaxolu ane, eni alai noxi'a tamitema noale'alesi.”

Ta'aposeli 28:28

Polu mulemolu vaikalaou polo­peti mukalu la musolonu aloxo 'o, “Laso ngingi ngalamana, vaikala laixe so pamauli noxou Mosinge anu mukalanu noxi'a tamitema noale'ale. Xe ane'i ilomusou la ilomuxu.”

Ta'aposeli 9:15

Ia Tatananenge muvikalanu lexe, “Nini nalai. Eni melo esosovosou itema anene so u'oxonu xaixai noxilo. Ili'i la anu ulaixu ualasilo noxi'a Ta'isilaeli mo uxalixu avile noxi'a tamitema noale'ale oli'a takingii'a.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

2 Kolini 5:11

Ioxe, nexi tamama'u noxou Tatananenge axone laso maixene nexi xavinexi so ta'avutinoxu mama'u noxi'a leviani kalumo. La oponexi mo ilixomexi upalasi noxou Mosinge. Xe eni amasaxau lexe upalasi no tangengi kalumo lexe mi ma'ia ta'oxonu la mulapusi.

2 Kolini 5:20

Ioxe, laso Kalaisiti mutulusixe so tasosovosou mo talemolu vaika­laou. Mo no anu xolinexi la anu loxo Mosinge a u'ava'avali'a tami­tema. Nexi a tavikalangengi 'o ia nexi uasi, anu loxo Kalaisiti molu uxolu 'o so ukatu noxinge aloxo 'o, “Tu'umaxu ane ukalipa­langengi ne ukalui, xo vote'i a uxolu so ngalivu ngapita noxou Mosinge.”

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.