Luku 14:13 - Ata New Testament

¹³ Na'oxo axone uasi, na'oxo aloxo 'o. Loxo na'oxonu la'ilali la naali'a tamitema ane ta'oloxola xe ane'i ane vasime'a ukaupe mo tava'a ukilikalu xe ane'i ane ie'i selevenu.

Luku 14:13 ပူးပေါင်းရင်းမြစ်များ

Matiu 15:30

La tamitema tavu'alo e tavu'alo mine'ene'e noxou mo mino'a tamenexi'a ane vasime'a mukaupe xe xine'i musoisoli xe ie'i selevunu xe anaxa'a mutomu xe so siki iouiou tavu'alola. Mino'a mo mimulaxa'a alai no tava'u laso mupaipoune'i.

Matiu 22:10

Anu mupalusi'a axone la ane'i tauo­kuvoi mipaxele milai no votevote'i. Milai xe mixalisi'a tamitema ta'ei talaixe xe tamasua, la mipitane'i mukalusi. Mipitane'i ka mine'e mitalupexasi'a no anu tasou lavilelu so taula'i ne xo mole muana'ana avile.

Luku 11:41

Vote'isinge aloxo 'o. Temanu kapu xe lapelete noxinge ne ngapixivane'i ta'oloxola, laso ane, mimi ne uxali malemalenga so nga'ani no anu.

Luku 14:12

La Iesua muvikalanu itema e mu'avalou so oli'a i'ani ne aloxo 'o, “Loxo na'oxonu la'ilali la na'avali'a tamenexinge o tavivinge o tatu­laneni o tamitema so lamoli no pa'upa'umene uasi. Xo loxo 'o io ikolinu la i'avaline so ngoli'a nga'ani no tatasi'a.

Luku 14:14

Xo tamitema kaini aloxo 'o ane'i vote'i so ikolineni uasi. Laso anu uxali laixe noxine xo ili'i no voxo so Mosinge utulusi'a tamitema talapu no anu soli la molu ulosine lakolisou.”

Luku 14:21

Ioxe, itema so xaixai mulivu la mua'alou tilasou no anu vaikalai'a tamitema ne. Sila la'iaxu la muvikalanu itema so xaixai noxou aloxo 'o, 'Napalea nalai no vote'i tiatila xe vote'i avo'avolu no taoni 'o mo na'avali'a tamitema ta'olo­xola xe ane'i ane vasime'a mukaupe xe ane'i ane ie'i selevenu xe ane'i ane tava'a mukilikalu.'

Ta'aposeli 9:39

Mivikalanu la Pita mulutu so oli'a milai. Milutu xo xe mixali ne Iopa la ane'i mitelaixu Pita no ngiou ane vasimele Tavita uai no anu. La tasema ane tamului'a misoisoli mukalu mine'e mitulu alai noxou Pita mo mitatama. Mitatama mo mimaxa­maxa'u lakolosi xe lasioti ane Tavita mi'oxonu no voxo loxo mimaulisio.

1 Timoti 3:2

Laso itema so uvu'ulinu ne la xoluxoluxu aloxo 'o. Anu ilixo noxou lamanasi mo so mi vile so tamitema ito'omolu no anu uasi. Loxo utaula'i la semau vilesisi. Anu uxolu mo xavutalaou uiave laixe mo uxolaxola uasi, xoluxoluxu ulapu no ie'i tamitemasi. Xe loxo tamitema ine'e no tasou la usaxila'a laixe. Mo lavulavuou no anu vote'i so ulanu Mosinge vaikalaou noxi'a tami­tema.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

Taitusi 1:8

Mo loxo tamitema ine'e no tasou la uvu'uline'i laixe. Itema loxo natulusou ne la oponu utulu no anu mi ane laixe mo mulapusi. Loxo mi vile uxali la anu utilovosou laixe xo oponu ututu­luou masaxa noxou Mosingesi. Xe masamasaxa noxou upalusou vitanisi uasi, anu molu upamuxanu laixe.

Vilemoni 1:7

Ani vivilo Vile­moni, nini nalavusou nasexelaxa'a tamitemaou Mosinge mu'isalili mo na'oxonu pakia'u opone'i. Elomu axone laso muxalixu osa'ila noxilo mo mumamatolanu opoleli.

Ipilu 13:2

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.