Luku 12:32 - Ata New Testament

³² Iesua muvikalane'i tatisaipeliou aloxo 'ola, “Ngingi tasipisipi se 'o nga'ume uasi. Maminge oponu ututulu lexe no voxo loxo anu molu u'uli laxungengi tamitemaou la upilixinu mimiou noxinge.

Luku 12:32 ပူးပေါင်းရင်းမြစ်များ

Matiu 14:27

Ia alaxu vilesisi Iesua muvikalane'i lexe, “Ngaxolu pakia'inge xo eni a. Mamu so nga'ume.”

Matiu 20:16

La Iesua muvikala lexe, “Anu axonesi. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.”

Matiu 25:34

Laso anu kingi uvikalane'i ane'i ane no avolu tema lexe, 'Ngingi ane Mamilo mulosinge xoluxolu laixe, ngane'e 'o. Ngane'e mo ngaxolu so eni melo akingi noxinge mo a'uli laxungengi. Xo mi ne mulalaxisinge tatei no voxo loxo Mosinge mukoinu lialia.

Matiu 7:15

La Iesua musolonu aloxo 'ola, “Ngingi ngalaxa'i laixe noxi'a tapolopeti kalavoi. Xo ane'i ilavusou ilemolu vaikala laixe so ixilisingengisi mo so ngakalavoi lexe ane'i tami talaixe loxo tasipisipi 'o. Ia uasi, a so i'oxo lolongengesi ane, xo loxo manina la imolo mamulosinge a loxo ta'a'a tavovasi.

Luku 10:21

Ioxe, no voxo ne Ulenu Laixe mu'avutinoxu osa'ila no oponu Iesua la muvikala aloxo 'o, “Papao, nini Tatananu tualasine mo lialia 'o. Eni a'itinu ualasine xo nini netalumeu mimi ano'o noxi'a tamitema so lavulavu xe takeleva. Ia a nepala'anixu noxi'a tamitema pelesi'a a loxo takeakeasi 'o. E Papa, muxali aloxo 'o xo mumu­linu masaxa noxine u'isalilisi.”

Tioni 18:36

Ia Iesua mukolinu aloxo 'o, “Eni akingi so xale lia vile no lialia 'o uasi. Loxo eni akingi so lialia 'o la ane'i tamitemaxeli masi i'otosilo so a'italo no avo'a Taiuta uasi. Ani, mi e so eni akingi no anu a so apu ano'o uasisi.”

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Ta'aposeli 20:29

Xe no anu latilovo ne telexu aloxo 'o. Eni alavu lexe loxo a'umesinge la anu loxo ta'a'a tavova i'una no taingengi mo imolo mamulo noxi'a tasipisipi.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

1 Kolini 1:21

Ioxe, Mosinge mumaxa'u lavu­lavu noxou aloxo 'o. Ane'i tamitema so lavulavu no anu lialia 'o me'a imomomo so ilavusou Mosinge uasi. Ia vaikala e mi'oxo lexe muxovulaulau ne, Mosinge musosovosou lexe anu anesi vote'i so pamauli. Xo aloxo 'o. Nexi talanu vaikalaou laixe xe loxo tamitema ilopalanu, la Mosinge upamauline'i ane.

Pilipai 2:13

Xo anu ane so uxaxai nonano noxinge, a Mosingesi. Anu a uxaxai so u'avutinoxu osa no opongengi so ngamulinu masaxa noxou u'isalili ka ulosinge xavi so nga'oxonu.

2 Tesalonaika 1:11

Ioxe, loxo nexi tapilixingengi noxou Mosinge la utotomu tali­ngausinge aloxo 'o kalumo. Lexe anu usu'ulingengi so xoluxolu­ngenge ulovou ava noxou. Xe mi ma'ia laixe ngamasaxau so nga'o­xonu la uxalixu nene'axu. Xe xaixai noxinge aneva la ngalopa­lanu mo so ulosinge xavi so nga'oxonu.

2 Tesalonaika 1:5

Xo anu umaxa'u lamana lexe loxo Mosinge utilovo la anu ulapusi, u'oxonu mi vile vuluvulusi uasi. Laso ngalavu lexe ngatavulenu navunavu vaimomo 'o so ulalaxingengi mo so no voxo loxo anu molu u'uli laxune'i tami­temaou la xoluxolungenge umo­momo mukalu.

Ipilu 12:28

Xe nenge talavu lexe taxolu no anu voxo so Mosinge molu u'uli laxunenge tamitemaou la mi ne pumuxu so ukunikuni uasisi. Laso nenge tavikala laixesou mo talu'enenge xe tataxanu so ta'itinu ualasou xo mi ne u'osasou.

Tiemisi 2:5

Tavivilo, ngalomu. Mosinge musosovosi'a mose'i so ipalava no anu lopala xe muvavalima lexe ane'i ta'ei isexelaxu la ixalisou mimiou no voxo loxo u'uli laxune'i tamitemaou. La ane'i latala noxi'a ne a tamitema ane tatemanu lialia i'oxo lexe ta'oloxolasi, ne?

2 Pita 1:11

Mo axone la ngalavu lexe aitenga u'alixaisinge avile so nga'unalai ngaxolu no voxo loxo Iesua Kalaisiti anu Tatananenge mo anu Itema so Pamaulisinge u'uli laxune'i tamitemaou kaluxu uasi.

Mupala'a 1:6

Xe anu kingi na'a nenge mo taxolu noxou, laso nenge tapilisiti noxou Mosinge anu Maminge. Ioxe manina, laso ta'itinu ualasou Iesua Kalaisiti teitexi manina so anu u'uli laxu­nenge ulai ulai kaluxu uasi.

Mupala'a 22:5

La olovoxola uasi. Mo tava'u so ilexexu lalamo xe tava'u so aso uiieila uasi xo Tatananenge anu Mosinge molu uxolu so ulosi'a lamanaxu. Ixolu axone no anu tanixu kingi ulai ulai xo mole kaluxu uasisi.